Decenes de persones identificaes por participar nun actu de protesta

25-01-2012 El vienres día 20 unes cincuenta persones participaron nun actu de protesta contra una agresión de calter facista nel conceyu de Castrillón, nel que se demandaba ante'l mesmu Conceyu de Piedres Blanques una condena pública d'esti tipu d'agresiones.

A pesar del so calter simbólicu -permaneciose tol tiempu na Plaza d'Europa- y de que se comunicara por escritu a la Policía Local, un númberu importante d'efectivos de la Guardia Civil fixo actu de presencia cola orde espresa d'identificar a les persones manifestantes, lo que podría conducir a un espediente de sanción importante.

Esti casu forma parte d'una serie d'actuaciones nes que'l derechu de manifestacion ye recotáu en llugar de protexíu: detención illegal d'inmigrantes, suspensión de conciertos de calter políticu, intimidación d'activistes por medio d'identificaciones... Amás, les ordenances ciudadanes" de les distintes llocalidaes tán convirtiéndose na principal ferramienta pa xustificar la criminalización de la protesta social n'Asturies. La llegada a la Delegación del Gobiernu español de Gabino de Lorenzo ta suponiendo la estensión de les práctiques represives d'Agustín de Luis n'Uviéu al restu de Asturies.

Concentración pol despidu de la representante de CSI en "Valoriza"

24-01-2012 El prósimu vienres, 27 de enero, a les 19:00h, la CSI convoca una concentración delantre’l centru xeriátricu de Los Canapés, n’Avilés, pol despidu de la so representante sindical na empresa “Valoriza”.

“Valoriza” ye una empresa subcontratada pol ERA (Establecimientos Residenciales p’Ancianos d’Asturies), muérganu perteneciente a la Conseyería de Bientar Social, y qu’apurre servicios de celaduría, llimpieza y caltenimientu, ente otros, en centros xeriátricos pertenecientes al ERA. Esta empresa tien, n’Avilés, la subcontrata de dos centros xeriátricos públicos: la Residencia Avilés y el Centro Xeriátrico Los Canapés, y la so responsable ye, amás, trabayadora asalariada del ERA (na residencia d’El Naranco) y afiliada al partíu Políticu Foru Asturies.

La representante sindical de la Corriente Sindical d’Izquierda na empresa “Valoriza”, foi despedía’l pasáu vienres 20 de xineru de 2012, cola disculpia, sigún la versión de la empresa, del baxu rendimientu de la trabayadora demientres el mes anterior. Pero dase la circustancia de que, demientres esa dómina tiempu, la trabayadora atopábase en situación d’Incapacidá Llaboral Transitoria (baxa llaboral) pola mor d’un acidente trabayu, que la empresa nun quier reconocer y pretende facer pasar por una baxa por amalaúra común. Lleer+

[+info: El Comercio]

Fuelga nel grupu Hewlett-Packard

24-01-2012 El trabayadores del grupu Hewlett-Packard (HP) con centros en Sant Cugat (Barcelona), Zaragoza, Uviéu, Llión, Pamplona y Valencia convocaron una fuelga los próximos 25 y 26 de xineru en protesta polos despidos "improcedentes".

Al traviés d'un comunicáu, los emplegaos -nes empreses HP Outsourcing y HP Consultoría y Aplicaciones- criticaron los cinco despidos llevaos a cabu la pasada selmana en Zaragoza, Llión y Madrid, "díes dempués de la expiración d'un Plan d'Empléu basáu na voluntariedá, que HP negar a renegociar". Estes baxes alcen a 26 el "gotiar de despidos que la empresa lleva perpetando dende setiembre", llamentaron los emplegaos. Les convocatories de fuelgues van realizar a nivel estatal y tán convocaes polos sindicatos CCOO, CXT y CSI. En dellos centros de trabayu, amás de la convocatoria de fuelga, tamién se van celebrar concentraciones de trabayadores. N'Uviéu va ser el mesmu miércoles a les 12.00 hores frente a les oficines de HP, na cai Villafría.

[+info: Europapress] [+info: Diagonal] [+info: LVA]

Stop al robu de recursos saharagüi y retirada de sanciones a activistes canarios

22-01-2012 Ayeri sábadu llevose alantre un actu de protesta, conovocáu pola "Asociación Amigos del Pueblu Saharaui", en sofitu a los activistes canarios de "Sáhara Acciones", a los que se-yos abrió un espediente sancionador con una posible multa d'hasta 60.000 euros a cada unu, por denunciar l'espoliu de los recursos saharagüis y la violación de la llegalidá internacional.

[+info: Asturbulla]

Faen Business y despidennos a Caprichu

19-01-2012 Un grupu de más de cincuenta personas partiparon nes concentraciones delantre los bares Businees y El Capricho de Xixón pa denunciar la precariedá nel seutor de la hostelería y l'incumplimientu de los mínimos derechos recoyíos nel conveniu llaboral del seutor.

Fiesta contra la criminalización de la población inmigrante

17-01-2012 Tres les protestes vecinales polos problemes de "convivencia" nel barriu de la Tenderina d'Uviéu, el centru d'acoyida de menores foi zarráu y la presión sobre'l colectivu inmigrante aumentó en tola ciudá.

Los colectivos integrantes de Ruta contra'l racismu recoyeron testimonios de delles agresiones policiales contra inmigrantes de distinta procedencia y edá. Pa siguir cola so campaña contra la criminalización de la población inmigrante, dende la Ruta contra'l racismu entámase una fiesta'l xueves 19 en "La Caja negra" (cai Jesús, 12, Uviéu).

Concentración contra les agresiones facistes

16-01-2012 La Corriente Sindical d’Izquierda quier asoleyar el so sofitu a la concentración escontra les agresiones facistes, que va tener llugar el prósimu vienres, 20 de xineru, a les 20:00 h, na Plaza d’Europa de Piedrasblancas, nel conceyu Castrillón.

La CSI fae público la so solidaridá pa col vecín de Castrillón agredíu’l pasáu mes d’avientu y el so sofitu al conceyu de vecines y vecinos que convoquen esta movilización. Asina mesmo, esti sindicatu fae un llamamientu al Gobiernu Municipal de Castrillón pa que se prenuncie abiertamente a la escontra de cualisquier triba d’agresión facista a cualisquiera de los sos ciudadanos y ciudadanes. Nesi sen, la CSI afalaga, tantu a los y les sos militantes, comu al conxuntu la población, a participar nesti actu y demuesar que’l pueblu de Castrillón nun ta dimpuestu a permitir dengún comportamientu facista.

Situación sindical y propuestes de movilización

15-01-2012 Nel prósimu Órganu de direición, va facese un analís y alderique de la situación sindical y sociopolítica na que nos alcontramos, y propuestes de movilización del Sindicatu. Ye perimportante la to asistencia pa que participemos toos/es del alderique y de la toma de desiciones n'esti tema. Recordámosmos que por alcuerdu del Órganu, el tiempu de duración del mesmu va ser de dos hores a lo más.

Propuesta de funcionamientu de l'Asesoría llegal

11-01-2012 El xueves día 12 a les 18:30 hores nos llocales del Sindicatu en Xixón va cellebrase un Órganu de Direición col únicu punto del orde del día analís y cambéu de les normes de l'Asesoría.

Pola transcendencia de la tema y pa conocencia y participación de tolos responsables de les distintes Seiciones Sindicales, amás de los responsables de los distintos colectivu y localidaes, ye necesaria la participación de toes.

Puede recoyese copia de la documentación na Secretaria. Toles aportaciones qu'ayuden a ameyorar el funcionamientu de l'Asesoría van ser bien recibíes.

El tiempo se agota para RTPA

11-01-2012 Pasaron yá tres meses desque'l Gobiernu del Principáu faía públicu'l recorte de les tresferencies a RTPA. Falóse enforma nestos últimos meses de los problemes de RTPA y bien pocu del so futuru. Utilizose abondo a les trabayadores que nun cobren pol so trabayu, bien pocu fíxose por remediar la so situación. Muncha guerra política partidista y demagóxica hubo y bien poques soluciones sobre la mesa. Desgraciadamente cumplióse lo qu'agorábamos va unos meses. YÁ VALIÓ!! Lleer+

La CSI algama representación en TEDESA

11-01-2012 Nes eleiciones sindicales cellebraes en TEDESA (filial de Duro Felguera) UXT saca 1 delegáu y CSI 2 (enantes nun cuntaba con representación) y una candidatura independiente nel colexu de técnicos 2 representantes.

Aiciones contra la precariedá nel seutor de la hostelería

10-01-2012 A lo llargo d'esta selmana realizaranse dos aiciones de presión sobre dambos chigres que nun respeten los derechos llaborales de les sos trabayadores. A les 19:30 del llunes la protesta va ser del Chigre Business (Corrida, 4) y el vienres ante la Sidrería los Campinos (Covadonga, 8), dambos asitiaos en Xixón.

Concentración en sofitu a les radios llibres asturianes

10-01-2012 Esti vienres 13, día del terror n'USA, esperamos asustar a les autoridaes asturianes. Les Radios Llibres frente al acoso que estan recibiendo de Telecomunicaciones van apurrir nel Rexistru Asturianu una carta denunciando'l desconciertu llegal nel qu'atopamos. Pa sofitar la entrega y denunciar la situación van faer una concentración nel Edificiu Intelixente en Callar Coronel Aranda nº 2 d'Uviéu (Llamaquique) a les 12 de la mañana.