|
| Comparecencia parllamentaria escontra la carrera profesional Estaya de l'Alministración Pública 21-12-2009 Güei, llunes 21 d’avientu del 2009, convocóse (a instancies del Partíu Popular) la Comisión d’Alministraciones Públiques de la Xunta Xeneral pa tratar la modificación de la Llei 3/85, d’Ordenación de la Función Pública, con oxetu de dotar de cobertera llegal a la gran chapuza que sufrimos dende’l 2007, llamada carrera profesional. Nella intervinieron, amás de los representantes de la propia alministración, voceros de tolos sindicatos presentes na alministración autonómica. Quién tien interés n’escuchamos. Chocantemente, hebo qu’agradecer al Partíu Popular dos cuestiones: qu’esixera escuchar toles opiniones primero d’aceptar tramitar la modificación pel trámite d’urxencia, y qu’invitara pola so cuenta a los sindicatos non domesticaos. Dicimos esto, porque lo mesmo PSOE qu’IX nun invitaron más qu’a UXT y CCOO, mientres que’l PP, amás d’a éstos, tamién invitó a la Corriente, USIPA, CSIF y CEMSATSE. Nun mos paez que faigan falta comentarios… La soledá d’UXT y CCOO. El desarrollu de les intervenciones dexó clara, con tol so patetismu, la soledá d’UXT y CCOO y la complicidá col gobiernu, hasta’l puntu de que’l representante d’UXT escomenzó la intervención coles mesmes pallabres que posteriormente la Conseyera d’Alministraciones Públiques: la modificación llexislativa que se discutía supón una meyora de los servicios públicos y l’atención al ciudadanu, amás d’un equilibriu xustu ente drechos y responsabilidaes de los emplegaos públicos y d’incentivar la eficacia de l’alministración pública. Nin siquier fai falta lleer ente llinies. Enfrente d’ellos, el restu d’organizaciones de la función pública asturiana que, con distintos matices, refugábemos tanto esti modelu de carrera como la modificación llexislativa que se propón, pidiendo toos, lo mesmo al Partíu Popular qu’a Izquierda Xunida, que la refugaren. Básicamente, éstes foron les razones de que la refugáremos:
En resume, con estes midíes (carrera, evaluación…) caminamos pa una alministración politizada, sumisa al poder y con unos emplegaos públicos que van perder la independencia imprescindible que precisen pa exercitar la so función, que nun ye otra que’l serviciu a la ciudadanía. L’actitú de los grupos políticos. Al acabar les intervenciones de les organizaciones sindicales, los grupos políticos teníen la oportunidá de faer entrugues a les mesmes; pa plasmu nuesu, nin IX nin PSOE tuvieron nada que dicir nin qu’entrugar a los representantes de miles y miles d’emplegaos públicos. Solo’l PP realizó varies entrugues y matizaciones a lo espuesto anteriormente. Como dixo ciertu personaxe, too ta atao y bien atao... Votación parllamentaria. La selmana qu’entra va ser el discutiniu y votación d’esti cambéu de la Llei 3/85. Entós va vese si los grupos políticos son sensibles a lo que güei oyeron y si tienen en cuenta les nueses peticiones: que nengún emplegáu públicu quede fuera, que se respete la llei y les sentencies xudiciales, etc., etc.
|