MOVIMIENTU OBRERU: Actividaes alrodiu la revolución asturiana de 1934

Homenaxe a les revolucionaries del 34 n'Avilés

30-09-09 La Estaya de Mocedá de la Corriente Sindical d’Izquierda na Comarca d’Avilés va facer, el prósimu vienres 16 d’ochobre de 2009, un homenaxe a los revolucionarios y revolucionaries que participaren na Revolución d’Ochobre de 1934.

A les 19:30 hores va facese una concentración n’El Parche (plaza l’Ayuntamientu) d’Avilés, na que tendrán llugar delles intervenciones. Dempués depositaráse un ramu flores n’antigua cárcel (agora Oficina Turismu) n’alcordanza de la xente represaliao nos díes siguientes a la revolución. P’acabar, pondráse una proyección de fotografíes y documentos d’aquelles feches, na plaza del Sol.

[+info: Programación d'actividaes]

Manifestación pola reapertura del casu de David Blanco

29-09-2009 Casi 50 persones manifestaronse ayeri dende la Playa de Poniente hasta la comisaría de la Policía Nacional de Xixón pa reclamar la reapertura del casu de David Blanco.

En memoria de Luciano, polos drechos sindicales

13-09-2009 El vienres pasáu, día 11, mediu centenar de persones participaron nun actu de denuncia escontra la persecución de sindicalistes en Colombia, y tamién escontra l’entrometese d’Estaos Xuníos en diversos escenarios d’América Llatina.

El 10 de setiembre del 2005 a Luciano Romero Molina torturólu y asesinólu un grupu paramilitar, al poco de volver a Colombia dempués de tar refuxáu n’Asturies. Al nuesu compañeru y amigu despidiéralu la multinacional Nestlé pola so militancia nel Sindicatu Nacional de la Industria Agroalimentaria (SINALTRAINAL), y persiguiéronlu pol so papel na defensa de los drechos humanos.

Cuatro años dempués asesinaron 244 sindicalistes más. Los autores gocien d’impunidá y al presidente Álvaro Uribe Vélez la civilizada Europa da-y tratu de 'campeón de la democracia', a pesar de les cifres del horror que siguen poniendo a Colombia como’l país más peligrosu del mundiu pa l’actividá sindical. [lleer+ Comunicáu del coleutivu de colombianos/es refuxaos/es n’Asturies 'Luciano Romero Molina']

[+info: Posible Participacion del DAS en tortures y posterior homicidiu de Luciano Romero Molina]

Los trabayadores de Tenneco salen a la cai pa impedir los recortes de plantía na factoría

10-09-2009 Los trabayadores de la fábrica d’amortiguadores Tenneco manifestáronse ayeri nos alredores de la empresa (en L’Alto Pumarín), énte la pretensión de la compañía de proceder a una reducción traumática de la plantía.

Tres una asamblea, los trabayadores salieron en manifestación pela antigua carretera d’Uviéu, delantre de les instalaciones de la empresa, que tien una plantía d’unos 245 trabayadores y fabrica amortiguadores pa la empresa automovilística. Cola cayida de la venta d’automóviles, la multinacional estaoxuniense quier reducir la plantía, primero aplicando un espediente de regulación d’emplegu (ERE) y, dempués, con despidos. La cayida de ventes calcúlase nun 22 %, polo que Tenneco quier dexar na factoría de Xixón namás a 45 o 50 trabayadores.

La CSI, con mayoría nel comité d’empresa con cinco delegaos (CC OO y USO, que nun apoya les protestes, tienen tres delegaos de personal caúna, mientres que la UGT tien dos), va entamar más movilizaciones escontra un nuevu intentu de treslladar les perdes empresariales a los trabayadores. Tenneco yá intentó n’anteriores periodos de baxa producción regular emplegu, pero les autoridaes llaborales denegaron la solicitú porque la empresa tenía subcontrataos parte de los servicios de la propia factoría.

[+info: La Nueva España]

Los sindicatos firmen l'acta pa pesllar y despidir a los trabayadores de Juliana Constructora Xixonesa

05-09-2009 Al últimu y mayor astilleru de la ensenada de Xixón sentenciáronlu los mesmos sindicatos: el 11 d’agostu del 2009 el Comité d’Empresa, formáu por representantes de CCOO y de UGT, firmaron el piesllu de Juliana na reunión celebrada cola Alministración Concursal, la empresa. Si pesllar una empresa ye grave, yelo muncho más cuando son los propios sindicatos los que negocien, pauten, alcuerden y firmen que se tranque y, pa detrás, el despidu ensin nenguna consulta previa colos afeutaos. Lo mesmo la reunión que les decisiones que salieron d’ella fueron a espaldes de los trabayadores, de la opinión pública, ya inclusive, el documentu de tres páxines nel que consten les firmes de caún de los participantes escondióse a los propios trabayadores afeutaos y a la opinión pública. Esti documentu llegó a los medios de comunicación porque lu asoleyó la CSI (Corriente Sindical d’Izquierda), non los firmantes. [lleer+ Testu de Cándido González Carnero]

Un trabayador de Naval Xixón vuelve poner n’evidencia les razones últimes de que se pieslle l’astilleru

04-09-2009 Naval Xixón anunció la realmisión de Juan Manuel Martínez Moral al tiempu que recurre la sentencia y opta por “prescindir de los sos servicios efeutivos”, anque se-y va siguir pagando’l salariu. La reaición inmediata del trabayador foi recurrir énte’l TSXA, por entender qu’esta decisión ñéga-y la ocupación efeutiva del puestu de trabayu, de manera que, al so xuiciu, sigue siendo una discriminación evidente. Nun ye posible ganar más xuicios, toos, pero percima de xueces y tribunales queda la última pallabra pal astilleru, que decide hasta ónde cumple o non les sentencies. La insistencia de la CSI permite poner n’evidencia la paradoxa de que l’ampliación d’El Musel realizóse a costa de la destruición de los astilleros. Bien deseparao de ser un problema de rentabilidá económica, les razones de fondu tán nuna especulación urbanística alimentada pola complicidá de los poderes públicos. [lleer+ Testu de Miguel Ángel Llana]

"Podemos ser cualquiera"

27-08-2009 Ayeri celebróse na plaza L’Habana de Xixón, a pesar de la presión policial, una nueva manisfestación pidiendo la reapertura del casu de David Blanco, xoven muertu na comisaría de Xixón n'avientu del 2008, ensin que tovía tean clares les causes de la muerte. Les persones participantes glayaron escontra la impunidá policial y señalaron que los abusos nes comisaríes puen afeutar a cualquiera, polo que ye perimportante denunciar esti tipu de violencia difusa anque nun la sufra direutamente una persona que participe nos movimientos sociopolíticos d’esquierda.

[+info: www.davidblanco.org]

Continúen les aiciones pa reabrir el casu de David Blanco

19-07-2009 El prósimu llunes 27 de Xunetu va facese la concentración de tolos meses pa pidir la reapertura del casu de David Blanco, xoven muertu na comisaría de Xixón en circunstancies non esclariaes entovía. Sedrá a les 8 la tardi na plaza L'Habana, nel barriu Morea de Xixón. Facemos un llamáu a toos y toes a facer un esfuerzu y acudir en solidaridá cola familia y contra la impunidá policial.

[+info: www.davidblanco.org] [opinión: Alrodiu del casu de David Blanco y la la actitú de la izda alternativa]