|
||||||||||||||||||||||||||||||||||||||||||||||||||||||||||||
Noticies: Ochobre de 2009 |
| AICIÓN SOCIAL: Protesta escontra la impunidá policial |
Manifestación pola reapertura del casu de David Blanco 27-10-2009 El llunes 26 d'ochobre fízose la concentración de tolos meses pa pidir la reapertura del casu de David Blanco, xoven muertu na comisaría de Xixón en circunstancies non esclariaes entovía. A les 20 h salieron les decenes de persones asistentes de la torre de salvamentu nel sablón de Poniente, vindicando l'esclarecimientu de la muerte de David Blanco nos calabozos de la comisaría. |
| MOVIMIENTU OBRERU: Actividaes sobre la revolución asturiana de 1934 |
24-10-2009 A pesar del intimidatoriu dispositivu policial, el xueves 22 pasáu manifestáronse más de 70 persones peles cais d’Uviéu baxo l’eslógan "Príncipes d’Asturies, ¿quién lo decidió?". Con esta protesta, organizada pol Ensame República Asturiana, los participantes quixeron denunciar abondo más que la esistencia de la institución monárquica. Les conseñes glayaes, y tamién el manifiestu que se lleó a la final del percorríu, apuntaron hacia la falta de democracia n’Asturies, la represión y criminalización de los movimientos sociales, asina como les consecuencies de les polítiques aplicaes nes últimes décades. N’acabando la manifestación, varies de les persones participantes sufrieron siguimientos ya identificaciones por parte de la policía cola sida de tratase d’un control rutinariu; daqué que vien siendo vezu dempués d’esti tipu protestes. [Lleer+: Manifiestu República asturiana] [Semeya manifestación] |
| AICIÓN SOCIAL: L’asamblea de paraes y precaries entama les actividaes reivindicatives |
22-10-2009 Un grupu d’hacia un cientu persones axuntáronse pa denunciar que medre’l desemplegu y la precariedá. Pa ello crearon en Xixón el Conceyu de paraes y precaries, qu’aconceya dos xueves de cada mes, a les seis y media la tarde, na Casa Sindical, pa decidir les propuestes que van desarrollar a lo llargo la selmana. Repartos de panfletos, marches, manifestaciones, protestes, enzarros y ocupaciones de llocales pa denunciar a los responsables de que se produxere esta situación (Oficina d’Emplegu, Direición Xeneral de Trabayu, bancos, constructores...) son dalgunes de les idees nes que tán pensando. Nun piden llimosna, sinón que proponen una serie de midíes polítiques pa escomenzar a modificar la correllación de fuercies que llevaron —y non solo nel añu últimu— al empeoramientu bultable de les condiciones de vida de sectores amplios de la sociedá: Reducir la xornada llaboral ensin que mengüe’l salariu pa crear más emplegos; impedir les hores estra; tresporte públicu gratuitu pa les persones desemplegaes; conxelación automática de les hipoteques cuando dalgún titular quede al paru; subsidiu básicu pa les persones desemplegaes empara de faer trabayos pa la comunidá; eliminación de les ETT; aumentu del emplegu públicu; ameyorar la formación llaboral que dan los servicios públicos d’emplegu... [Lleer+: Manifiestu asamblea de pareas y precaries de Xixón] [+info: La Voz de Asturias] [+info: La Nueva España] |
| LLIBERTAES: Comunicáu de la Plataforma escontra la represión y poles llibertaes |
20-10-2009 La Plataforma escontra la Represión y poles Llibertaes informámosvos que mañana miércoles día 21 d’ochobre a les 19.30 hores, na plaza de la Casa Conceyu de Xixón, vamos realizar una concentración n’apoyu a Cándido y Morala. Anque’l Conceyu de Xixón, per aciu d’un componente de la Federación Socialista Asturiana, depositó na cuenta del xulgáu la cantidá de 5.624,83 € reclamada a Cándido y Morala, el casu sigue ensin resolvese y too depende agora de la decisión que pueda tomar el xuez Lino Rubio Mayo cola multa de 2.163 € y la suspensión de la conderga. Dende la plataforma queremos insistir y recordar a tola opinión pública que’l Conceyu Xixón sigue siendo’l responsable principal nesti procesu, porque ye’l demandante perxudicáu. La Plataforma escontra la Represión vamos siguir defendiendo que Cándido y Morala son inocentes y vamos esixir a toles partes implicaes (Conceyu Xixón, Delegación de Gobiernu y Conseyu de Ministros) el cese de la represión y l’indultu total y non amagostáu pa los collacios Cándido y Morala. [+info: Rebelión] |
| LLIBERTAES: Un dirixente del PSOE paga la multa de Cándido y Morala |
16-10-2009 Según informa l’axencia EFE, Gil Alberto Pérez Carneado, componente del Comité Autonómicu del PSOE, ingresó la cantidá de 5.624,83 euros na cuenta xudicial d’una entidá bancaria’l martes pasáu, al cumplise’l plazu llegal de 3 díes hábiles pa pagala y faer efeutiva la conmutación de pena propuesta pol Conseyu de Ministros. Cándido y Morala tuvieron na prisión de Llanera durante tres selmanes en xunu del 2007 y escarceláronlos al aplica-yos el tercer grau penitenciariu, anque un día dempués y en medio d’un clima de movilizaciones, el xulgáu que los condergara en primer instancia suspendió la conderga mientres s’esperaba la resolución del espediente d’indultu. El maxistráu titular del Xulgáu Penal 1, Lino Rubio Mayo, emplazó la selmana pasada a los condergaos a pagar nun plazu de tres díes la indemnización y una multa de 2.160 euros, anque esta cantidá nun figuraba na resolución d’indultu parcial del Conseyu de Ministros. Énte la posibilidá de que se confirme esti divulgu, Cándido y Morala presentaron güei pela mañana nel xulgáu un escritu nel que declaren "tener conocimientu de que se pagaron les responsabilidaes civiles na cantidá de 5.624,83 euros y anque nun foren ellos los que lo fexeren, nun quita pa que se consideren satisfeches". Con too, quedaría pendiente la custión de los 2.160 euros añadíos a la resolución del Conseyu de Ministros. [+info: Europa Press][+info: La Nueva España] |
| SOLIDARIDÁ: Escontra la represión del sindicatu LAB |
14-10-2009 Dende la Corriente Sindical d’Izquierda d’Asturies queremos amosar la nuesa solidaridá col sindicatu LAB énte la última agresión, por parte de les FSE y la estructura xudicial del Estáu Español, sufrida na so sé de Donostia. Queda claro que la simple militancia en sindicatos de clase y combativos ponte nel puntu mira de la policía. Per meses tuvieron controlando quién entraba o salía de les sés del sindicatu LAB. La policía controlaba sistemáticamente a cualquier trabayador o trabayadora qu’acudiere al sindicatu con cualquier problema llaboral. Esiximos la retirada inmediata de la vixilancia de les organizaciones obreres por parte de la policía cola sida barata de la llucha antiterrorista. Queda claro que los collacios y les collacies del sindicatu LAB van tener na CSI’l nuesu apoyu humilde pa too aquello que precisen. ¡¡PUXA LAB!! [+info: LAB] |
| LLIBERTAES: Comparecencia de Cándido y Morala |
13-10-2009 Güei hebo una comparecencia más de los collacios Cándido y Mórala énte’l xuez Lino Rubio Mayo, dempués del plazu que dio pa pagar la multa de 2.160 € y la indemnización de 5.624,83 €. Por eso, n’acabando la comparecencia de los collacios, quedamos a la espera de la resolución del xuez. Asina que sigue la dulda. Por eso ye importante siguir les movilizaciones y acudir a la concentración convocada’l miércoles 14 a les 19:30 hores pola Plataforma escontra la Represión y poles Llibertaes delantre la Casa Conceyu de Xixón. [+info: Dossier noticies][+info: Europa Press][+info: El Confidencial] |
| LLIBERTAES: Movilizaciones escontra la condena de Cándido y Morala |
12-10-2009 Talo como taba previsto, güei celebróse con ésitu la caravana de coches peles cais de la ciudá de Xixón. Como bien sabéis, collacios, nesta ciudá atáquense los drechos y llibertaes de la xente trabayador y de la ciudadanía. Y que colos collacios Cándido y Morala tán llevandolo al máximu tolerable, y ye que quieren mandalos otra vez pa l’alcárcel. Por eso ye perimportante acudir mañana, ¡Martes 13 d’ochobre a les 10:00 hores! (últimu día que fixó’l xuez Lino Rubio Mayo pa pagar les multes) a la concentración na entrada de los xulgaos de l’Avenida Juan Carlos I, (Playa Poniente) en solidaridá con Cándido y Morala. |
| LLIBERTAES: Movilizaciones escontra la conderga de Cándido y Morala |
10-10-2009 El plenu de la Plataforma escontra la Represión y poles Llibertaes alcordó diverses movilizaciones y actividaes pa esixir la llibertá de los sindicalistes Juan Manuel Martínez Morala y Cándido González Carnero.
|
| LLIBERTAES: Movilizaciones escontra la condena de Cándido y Morala |
02-10-2009 La Corriente Sindical d'Izquierda va facer movilizaciones escontra la intención del Gobiernu del PSOE, d'Antonio Trevín (Delegáu del Gobiernu) y del Ayuntamientu de Xixón, d'encarcelar a Cándido Carnero y Juan Manuel Martínez Morala, como represalia pol so llabor en defensa de los puestos de trabayu del seutor naval. Estes movilizaciones van consistir en:
|
LLIBERTAES: Nueva conderga escontra Cándido y Morala |
01-10-2009 Juan Manuel Martínez Morala y Cándido González Carnero refugaron la conmutación de la pena dispuesta pol Conseyu de Ministros, que suponía la reducción de tres a dos años d’alcárcel a condición de pagar la responsabilidá civil, 5.624 euros, y de nun cometer nengún delitu en cuatro años. A Morala y Carnero condergáronlos a tres años de prisión y al pagu d’una indemnización al Conceyu Xixón, pola destruición d’una cámara de videovixilancia de tráficu durante una protesta llaboral del sector naval en marzu del 2005, pero cumplieron namás 21 díes nel centru penitenciariu de Llanera al escarcelalos y suspendese la conderga. Morala y Carnero salieron de la prisión el 5 de xunetu del 2007 al concede-yos el tercer grau’l xuez d’instituciones penitenciaries; un día dempués, y en medio de movilizaciones populares reclamando les llibertaes, la xueza sustituta de Mayo suspendió les condergues a la espera de que se resolvieren diverses peticiones d’indultos. En respuesta a varies peticiones d’indultu, el Conseyu de Ministros aprobó’l 18 de setiembre pasáu la reducción a dos años de prisión condicionada al pagu de los daños al Conceyu y a que "nun vuelvan cometer delitu dolosu nel plazu de cuatro años". Queda ensin aclarar polo tanto la situación procesal actual por desconocer si sigue vixente’l tercer grau o quedó invalidáu pola suspensión de la conderga. La resolución del Conseyu de Ministros xube de dos a cuatro años el plazu nel que nun puen cometer delitu dolosu, lo que-yos impediría participar en cualquier aición sindical o movilización social na que pudieren denuncialos o detenelos la policía. Esti exerciciu d’orfebrería llegal parte del delegáu del Gobiernu n’Asturies, Antonio Trevín, y del gobiernu de la esquierda plural del PSOE ya IX nel Conceyu p’amordazar a los trabayadores del naval y posibilitar un pelotazu urbanísticu nos terrenos de los astilleros. [+info: Dossier noticies][+info: La Voz de Asturias] |
Manifestación escontra los Premios Príncipe y pola República 
En movimientu escontra la precariedá y el paru
Mantiénense les movilizaciones hasta esclariar la situación de los dos sindicalistes
Comunicáu en solidaridá col sindicatu vascu LAB
La Plataforma contra la represión y poles llibertaes convoca movilizaciones nueves 
Refuguen una conderga que quier callar les protestes escontra l’esmantelamientu del sector naval asturianu
|
Campañes |
 |
 |
 |
 |
 |
 |
 |
 |
 |
 |