|
||||||||||||||||||||||||||||||||||||||||||||||||||||||||||||||
Noticies: Xineru y Febreru de 2010 |
||||
| COMUNICACIÓN: Concentración contra los despidos na RTPA | ||||
28-02-2010 Delles decenes de persones concentráronse, el pasáu xueves 25 ente la Xunta Xeneral, pa denunciar la política de externalización d'actividaes, la precariedá llaboral y la manipulación partidista d'un ente públicu como la RTPA. Nun mediu de comunicación nun puede haber silenciu o de lo contrario conviértese nun espaciu anquilosáu, emprobecíu y como l'agua enllancao, apestoso. Porque los arumes del podrén nun nos acaben provocando vómitu (voltures yá les tenemos), ye una cuestión vital frayar el silenciu na RTPA. Lleer+
[+info: Comunicáu] [+info: La CSI na RTPA] [+info: La Otra TPA] |
||||
| SANIDÁ: Vídeu sobro la privatización de la sanidá y el copagu | ||||
Contra la privatización y el copagu 27-02-2010 Vídeu realizáu pa ElComentario.tv que recueye la conferencia celebrada'l día 18 de febreru pasáu na Biblioteca Pública de Xixón, y na qu'intervinieron Nines Maestru y Antonio Gómez Llébana. [ver+: videu] |
||||
| LLIBERTAES: Muerte na comisaría y silenciu xudicial | ||||
26-02-2010 El pasáu vienres 26 realizóse un nuevu actu de protesta pa recordar que la muerte en comisaría del mozu David Blanco entá sigue ensin esclariase. El pasacalles partidó a les 20 h de la torre de salcamento de la Sablera de Poniente hasta la comisaría de la Policía Nacional de Xixón. |
||||
| URBANISMU: Alegaciones escontra'l PXOU de Xixón | ||||
25-02-2010 SOS Cabueñes y la Plataforma Roces Residencial Sostenible presentaron el pasáu vienres 19 les sos alegaciones al Documentu de Prioridaes de la Revisión del Plan Xeneral d'Ordenación Urbana (PXOU) de Xixón. Les alegaciones fueron soscrites por más de trescientes cincuenta persones y asociaciones -ente les que s'atopa la CSI- que consideren que les propuestes del Conceyu siguen ensin responder a les necesidaes reales de la población, amás de ser les mesmes que yá refugaron los tribunales. [+info: Asturbulla] [+info: Europa Press] |
||||
| PRECARIEDÁ: Movilizaciones nel Estáu español contra'l paru y la precariedá | ||||
21-02-2010 El Conceyu de paraes y precaries de Xixón sumóse a la convocatoria estatal del pasáu día 20 pa siguir visibilizando les consecuencies d'una crisis que nun entamó nel 2008. Poques persones pueden faer enforma, anque nun arrenuncien a que cada vez sían más d'ente los 28000 paraos de Xixón que se movilicen pa esixir la Renta básica y ameyorar les condiciones de trabayu, dientro y fora del ámbitu domésticu. Polo pronto, siquier 100 persones participaron na concentración celebrada nel paséu de Begoña. [+info: Kaosenlared] |
||||
| COMUNICACIÓN: Cambéu na convocatoria de fuelga | ||||
Presiones énte la fuelga escontra los despidos na RTPA 24-02-2010 Los trabayadores de la Televisión del Principáu d’Asturies convocaren una fuelga pa los díes 25 de febreru y 3 de marzu escontra los despidos na TPA. Sicasí, énte les amenaces de la empresa de declarar illegal la convocatoria, decidieron camudar les feches de los paros. Pal xueves 25 de febreru caltiénse convocada una concentración a les 19 h delantre la Xunta Xeneral n’Uviéu. Les movilizaciones, impulsaes pol Comité d’Empresa, cuenten col sofitu de los tres sindicatos representaos nél: UXT, USO y CSI. Lleer+ [+info: La CSI na RTPA] |
||||
| ALMNISTRACIÓN: Asamblea informativa de trabayadores de l'Alministración autonómica | ||||
23-02-2010 La Sección de l’Alministración Autonómica de la CSI convocó una asamblea informativa sobro los cambeos introducíos na Llei 3/85 y la propuesta d’implantación de la Llei d’Evaluación docente. La xunta, abierta a toles trabayadores de l’alministración autonómica, va celebrase’l xueves 25 a les 18 h. Namás acabar va participase na concentración delantre de la Xunta Xeneral pa sofitar al Comité d'Empresa de la TPA en protesta pol despidu d’un trabayador. [Ver+: Cartel] |
||||
| ASESORÍA LLEGAL: Taller xurídicu sobro los medios d'impugnación | ||||
22-02-2010 Procesos como’l de la carrera profesional recuérdennos la importancia d’utilizar distintes víes d’impugnación y de desendolcar la defensa llegal de los nuesos derechos allá onde sía posible. Sofía Olarte, profesora de Derechu Llaboral de la Universidá de Granada, y Bernardo García Rodríguez, reconocíu abogáu llaboralista, protagonizaron el taller xurídicu entamáu’l vienres pasáu día 19 nel local d’Uviéu, y al qu’asistieron los componentes de l’asesoría xurídica de la CSI y distintes persones convidaes. Na sesión analizaron les posibilidaes de plantegar recursos de casación pa la unificación de doctrina, recursos d’amparu énte’l Tribunal Constitucional y les posibilidaes qu’ufierten el Tribunal Superior de Xusticia européu y les consultes paraxudiciales nel ámbitu de la UE. Bernardo García apuntó que’l Tribunal Constitucional camudó la so orientación. Agora considera qu’hai de centrase na ellaboración de doctrina constitucional y non en resolver casos individuales nos que se produxera una vulneración de los derechos constitucionales. Poro, acútense entovía más les posibilidaes de qu’un recursu d’amparu espollete nesta instancia, nun siendo que sía d’especial trescendencia pa la doctrina consitucional. |
||||
| SANIDÁ: Conferencia sobre la privatización y el copagu sanitariu | ||||
20-02-2010 Decenes de persones asistieron a la conferencia sobre la privatización de la sanidá entamada por varies organizaciones sindicales asturianes (CSI, CGT, CNT y SUATEA) el xueves pasáu 18 na biblioteca pública Xovellanos de Xixón. Nines Maestro y Antonio Gómez Liébana, integrantes de la Coordinadora d’Organizaciones pola Sanidá Pública, esplicaron el desarrollu d’esti procesu y les implicaciones, lo mesmo pa la ciudadanía en conxuntu que pa les trabayadores del sector: incrementu en mortalidá (lo mesmo en naciellos qu’en persones adultes), disminución de llimpiadores y aumentu de les infecciones hospitalaries, disminución de médiques y enfermeres por cama, menor númberu de díes d’estancia hospitalaria (altes prematures)... Esplicaron amás les iniciatives escontra la privatización de la sanidá que se tán articulando nel conxuntu del Estáu. [+info: www.casmadrid.org] [ver+: cartel de la charla] [ver+: video] |
||||
| CONCENTRACIÓN: Sábadu 20, 18:30 h, Parque de Begoña (Teatru Xovellanos), Xixón | ||||
18-02-2010 El Conceyu de paraos, paraes y precarios de xixon somos una organización qu'abre un espaciu pa la reflexión y defensa de los intereses d'un coleutivu tan desigual como precisáu de voz propio, como somos los paraos y los precarios. Conceyos como’l nueso punxéronse en marcha mientres años pa intentar dar respuesta en distintos llugares y pueblos de too l'Estáu Español entamando lluches en defensa de los paraos. En Xixón con casi 28000 paraos faise necesario conceyos que tapeza polos intereses de les persones ensin empléu o con empleos precarios, ye un ente nun solu pa la sociedá y el ámbitu de la izquierda sino fundamentalmente pa toos aquellos de nós que tamos ensin mas recursos que la desesperación y el mirar pa otru llau. Por tou esto llamamos a celebrar una concentración d'alcuerdu y simultaneamente colos conceyos de too l'Estáu, el proximo sabado dia 20 de febreru a les 18:30 h. de la tarde nel paséu de Begoña frente al Teatru Xovellanos de Xixón, a la que tan convidaes les organizaciones politicas d'esquierda, sindicatos y organizaciones cívicas y ciudadanes. Facemos un llamamientu a participar viviegamente a los trabayadores afectaos pola precariedá y el paru. Esperando la solidaridá de toos: ¡Por un trabayu dignu pa toos o una Renta básica! ¡¡Desbloqueo urxente del salariu societariu y extensión a los paraos mayores de 18 años!! ¡¡Pola gratuidad nos servicios municipales esenciales. Agua, tresportes publicos y actividaes culturales deportives y sociales!! |
||||
| OPINIÓN: Artículu de Pepe Sánchez sobre la crisis | ||||
17-02-2010 Sí, en cris tamos y parez qu’a los qu’ha salvase ye a los bancos y a los grandes empresarios. Poro, ¿quién carez la cris y quien quieren que la pague?. Los ricos lloren, pero, bramente, carecémosla y pagámosla los y les de siempres, los y les trabayadores, los y les que tenemos un emplegu y los cuasique 5 millones de paraos y paraes, los y les que nun ficimos un res pa prevocar la situación d’anguañu nin pa que se mos castigue. D’esta mena, al 90% la población, que somos namás que trabayadores, sacrifícasenos, xunto col nuesu trabayu, el nuesu sueldu, los nuesos drechos y la nuesa vida, pa que la ínfima minoría siga enriqueciéndose más y más. Lleer+ |
||||
| INMIGRACIÓN: Manifestación. Sábadu 6 de marzu, 13 h, Estación de Renfe (Uviéu) | ||||
15-02-2010 N’Asturies nun fexo falta que’l Ministeriu del Interior mandare, el 25 de xineru, una orde a les comisaríes tovía más dura que mesmamente la reforma de la Llei d’Estranxería. Si la publicación d’esa orde —que pretendía mantenese en secretu— supunxo un escándalu pola vulneración de drechos fundamentales qu’implica —detenciones preventives, espulsiones “esprés”, etc—, n’Uviéu, Xixón y otres poblaciones asturianes la Delegación del Gobiernu, encabezada por Antonio Trevín, anticipóse a les órdenes ministeriales: dende l’empiezu del 2010 les redaes policiales y el mandar a inmigrantes pa Centros d’Internamientu d’Estranxeros recrudecióse. Lleer+ [Ver+: Cartel de la convocatoria] [Lleer+: Díptico][+info: La Voz de Asturias] |
||||
| ARCELOR-MITTAL: El conflictu del Sinter y del Alambrón | ||||
14-02-2010 L’asamblea de trabayadores del Tren d’Alambrón d’Arcelor-Mittal en Xixón convocó 13 díes de fuelga parcial polos despidos y los cambeos na organización del trabayu pautaos por UGT y USO cola dirección de la multinacional, el pasáu 4 de febreru, dempués de torgar la difusión de la información y la realización d’una consulta. La protesta apóyala la CSI y CC.OO., va escomenzar mañana día 15 y va siguir en diferentes díes hasta’l mes de marzu; pretende forciar un referéndum y torgar asina la reducción de 32 puestos de trabayu de los 150 qu’hai na actualidá. Esti nun ye l’únicu conflictu vivíu apocayá na empresa. Los trabayadores de la factoría d’Arcelor-Mittal en Veriña convocaron distintos paros en xineru y febreru nel Sínter, instalación na que se prepara’l mineral de fierro y otros fundentes p’alimentar los fornos altos de la factoría xixonesa y na que trabayen 45 operarios. El motivu de la protesta ye la reclamación del cumplimientu del compromisu que garró Arcelor nel «plan Arcu» p’ascender un nivel salarial a parte de los puestos de trabayu del Sínter. Dende’l 2005 Arcelor acumuló unos atrasos d’unos 5.000 euros a cada trabayador afectáu por esti conceptu. Amás de refugar la perda d’emplegu, la CSI opónse a les consecuencies de los distintos planes presentaos pola multinacional y qu’apunten nel mesmu sen: incrementar los beneficios de los aicionistes aumentando los ritmos de trabayu de los que nun despidan. Tolo anterior nel contestu d’una empresa que consiguió 7.000 millones d’euros de beneficiu nel 2009. Lleer+ [Lleer+: El conflictu del Sinter][Lleer+: Los planes que vienen][+info: CSI Arcelor] [+info: Interinos d'Arcelor en Facebook][+info: La Nueva España] |
||||
| ALMINISTRACIÓN: La reforma del sistema de pensiones | ||||
13-02-2010 El 29 de xineru del 2010 pasáu, el Conseyu de Ministros aprobó una declaración política sobre lo qu’ellos llamen “l’universu de la proteición social”, que pue “traducise nel plazu más curtiu posible en reformes llegales concretes”. En xeneral, pue afirmase que’l documentu al que mos referimos ta al serviciu de dos grandes oxetivos: abrir al mercáu’l sistema español de proteición social, aumentando y estendiendo la importancia de la previsión social complementaria que se desarrolla nel ámbitu priváu, acutando “un papel reforzáu pa la previsión social complementaria en rellación cola pensión por xubilación”. El segundu oxetivu, complementariu del anterior y perxuníu a elli, consiste n’establecer restricciones suxetives y limitaciones oxetives nel réxime d’accesu o d’esfrute de determinaes rentes, sobre too, anque non solo, la pensión económica por causa de xubilación. Lleer+ |
||||
| HUMOR: Cartel ellaboráu pola Seición sindical d’Arcelor-Mittal | ||||
12-02-2010 Nel 1986, TVE censuró a Javier Krahe pol so cantar "Cuervo ingenuo", onde satirizaba les promeses cumplíes al revés pol PSOE, que diba emitise como parte d’un conciertu de Joaquín Sabina. Esta nun foi la única censura que sufrió’l cantautor. Nel 2004, nuna entrevista nel programa "Lo más plus", emítese’l curtiu "10 comentarios" de Javier Krahe y Enrique Seseña, onde Krahe enseña a preparar un Cristu al fornu. Desiguida entama una campaña de protestes de la prensa conservadora, y declaren persona non grata a Jesús de Polanco, propietariu del grupu PRISA (Canal Plus). Tanto l’actuación censurada nel 1986 como’l curtiu puen alcontrase nel documental "Esta no es la vida privada de Javier Krahe". [Vídeu: Cuervo ingénuo] |
||||
| ALMINISTRACIÓN: Protestes n’apoyu a Pepe El Ferreiro | ||||
12-02-2010 Más d’un cientu persones que vinieron de toa Asturies concentráronse el xueves 11 pela tarde delantre la sé de la Presidencia del Principáu pa esixir la realmisión de José Naveiras, Pepe 'El Ferreiro', como director del Muséu Etnográficu de Grandas de Salime, tres el so cese votáu por unanimidá nel consorciu del centru cultural. L’afectáu agradeció esti apoyu, "que nun ye solo a Pepe 'El Ferreiro', sinón al muséu y al padremuñu asturianu". [Vídeu de la concentración][+info: La Nueva España] |
||||
| OPINIÓN: Artículu de Daniel García sobro la reforma del sistema de pensiones | ||||
09-02-2010 Si lo de trabayar pal bien común nun esiste ente los políticos del nuesu entornu -una evidencia constatable con daqué tan cenciello como mirar qu’empreses fain negociu col dineru públicu y como furrula’l gastu na alministración- agora, como medía pa sacar más perres pa mantenese nel sitiu y seguir faciendo negocios, toca seguir metiendo mieu col nuesu futuru, y proponen que se trabaye hasta los 67 años. Tou ello, debíu, suponse, a lo mal que tán les coses económicamente, lo que non cuadra colos porgüeyos qu’amuesen los grandes bancos y la rialidá de los datos d’un mayor aforru nes cuentes familiares. ¿Qué mos toca facer entós pa intentar defendemos de tou esto y que mos afecte lo menos posible? (lleer+). |
||||
| HOSTELERÍA: Campaña de denuncia de la precariedá na hostelería | ||||
08-02-2010 La Estaya d’Hostelería de la Corriente Sindical d’Izquierda ta llevando alantre una campaña d’información a los y les trabayadores del seutor y de denuncia de la precariedá llaboral y pésimes condiciones de trabayu que carecen la gran mayoría d’estos y estes trabayadores. Pa la CSI, la patronal de la hostelería impón unes condiciones llaborales inaceutables: xornaes llaborales interminables, abondes vegaes de 50 y 60 hores selmanales; la mayoría les hores estres nun son remuneraes; nun s’asegura a los y les trabayadores pola totalidá les hores trabayaes; los trabayos de fin de selmana realícense de vezu ensin contratu; cúntase namás que con un díi de descansu selmanal; y la mayoría les vegaes los sueldos nun algamen los mil euros mensuales. Pero’l braeru problema’l seutor ye la falta ferramientes que garanticen el cumplimientu les normatives llegales que regulen la xera llaboral. Asina, el caberu Conveniu Coleutivu, vixente fasta’l 2011, tórnase en papel moyáu porque incúmplese dafechu na gran mayoría les empreses. A too ello hai d’amestar les torgues coles que nos atopamos al denunciar les irregularidaes ya incumplimientos delantre la Ispeición de Trabayu, que fai casu omisu de cualisquier denuncia presentada, y, con esta actitú, permite, tolera y tórnase cómpliz de la situación d’inxusticia ya indefensión de la gran mayoría los y les trabayadores del seutor. Asina les coses, la CSI asoleyó un cartelu y un periódicu (“La Voz del Chigre”) que ta repartiendo en mano per tolos centros de trabayu de la comarca (bares, cafeterías, hoteles, yaeso) y nos que s’informa a los y les trabayadores de los sos drechos, ufiertándo-yos sofitu xurídicu y sindical pa la igua de los sos conflictos y reivindicaciones llaborales. Pa finar, la CSI va entamar al empar una campaña de denuncia delantre Ispeición de Trabayu, de toes aquelles empreses hosteleres qu’incumplen la normativa llaboral vixente nel Conveniu Coleutivu y va pedir les responsabilidaes alministratives y xudiciales que procedan escontra Ispeición de Trabayu y Direición Xeneral de Trabayu si éstes persisten na so actitú de permisividá y tolerancia delantre los fraudes cometíos pola patronal de la hostelería. [+info: La Nueva España] [+info: El Comercio] |
||||
| REFORMA LABORAL: Protesta pola reforma del sistema de pensiones | ||||
05-02-2010 Esta ye la conseña que llanza’l gobiernu español —dempués de garrar nota nel Foru de Davos— nun momentu nel que les cifres de desemplegu y esclusión social nun aparen d’aumentar. El sistema de la seguridá social vese en peligru porque les trabayadores cobren enforma al xubilase, non porque s’espardiere’l fraude nes contrataciones, aumentare la precariedá llaboral o que solo cunte lo que voten los especuladores na bolsa. Pa que naide pueda dicir que "nun lo sabía", la CSI ta realizando aiciones d’información y protesta na comarca d’Avilés. El vienres 29 de xineru pasáu, hacia cincuenta persones anduvieron les cais d’Avilés informando de les midíes propuestes y recordando que los que mos llevaron a la crisis nun mos van sacar d’ella. El repartu d’información siguiente va faese en Castrillón el sábadu día 5 de febreru a les 19:30h na plaza de la Casa Conceyu en Piedrasblancas. [+info: La Nueva España] [+info: Comunicáu] |
||||
| ANTIMILITARISMU: Protesta contra un desfile militar en La Pola (Sieru) | ||||
02-02-2010 El gobiernu español tien 21 misiones militares, lo que representa ún de los mayores despliegues dempués de la etapa colonial. La crisis pon en cuestión el sistema de pensiones pero non el gastu militar. El vienres pasáu, 29 de xineru, desfilaron peles cais de La Pola Siero xóvenes militares acuartelaos en Cabo Noval, que van mandalos a Afganistán. Ente los 500 soldaos que van participar nesta misión hai inmigrantes allistaos nel exércitu español que, paradóxicamente, escaparon de conflictos armaos nos sos países d’orixe —alimentaos pol keynesianismu de guerra— o de "catástrofes humanitaries" y que l’Estáu español yá solo almite como carne de cañón, yá sía na zanxa o nel campu de batalla. El reversu del discursu humanitarista alcuéntrase n’intervenciones militares, na espulsión d’inmigrantes n’Asturies (más de 40 persones mandaes a centros d’internamientu estatales nel mes de xineru) y na represión de quien denuncie tolo anterior. Ello ye qu’a los que nun quieren qu’Asturies fabrique armes o asesinos profesionales retúvolos la policía nos alredores de la Casa la Cultura. Yeren una amenaza porque desfilaben con pancartes y non con fusiles; porque s’oponen a aumentar la edá de xubilación al tiempu que se reduz la esperanza de vida a golpe de bayoneta; porque s’oponen a les tropes d’ocupación n’Asturies o n’Afganistán. [+info: Cartel de la convocatoria] [+info: Glayíu] |
||||
| LLIBERTAES: Xulguen a dos axentes por agredir a un mozu independentista | ||||
01-02-2010 La mocedá asturiano ye llibre pa escoyer ente la precariedá, la emigración o la criminalización. Ayeri vienres celebróse un xuiciu escontra dos axentes de la policía nacional denunciaos por acosar, n’ocasiones reiteraes, a Miguel F.A., conocíu pol so compromisu independentista y antifascista. Nuna de les identificaciones, realizaes siempre nos alredores del domiciliu del acosáu, los axentes pegáron-y al mozu nel interior del coche policial cola sida simple de que llevaba una sudadera con una ikurriña serigrafiada. Ún de los policíes denunciaos ta vinculáu cuantayá a los grupos d’ultradrecha de la ciudá d’Uviéu. El mieu, tan importante pa faer retroceder los nuesos drechos sociales y llaborales, nun se fragua solo cola amenaza del despidu. Ensin un mieu ambiente más ampliu —que va dende l’ámbitu domésticu pa munches muyeres hasta la persecución d’inmigrantes o l’acosu d’activistes na cai— nun se pue esplicar la derrota de munches de les nueses lluches. Ensin apoyar la denuncia pública y la visibilización d’estes práutiques de criminalización, nun va ser creyible’l nuesu intentu por recomponer un texíu social capaz de resistencia. [+info: Crónica del juicio y de la concentración n'apoyu a Miguel F.A.] |
||||
| ALMINISTRACIÓN: Martes 26 de xineru. 15:30 h. Conseyería de cultura (Uviéu) | ||||
25-01-2010 El consorciu que xestiona’l Muséu Etnográficu de Grandas de Salime va aconceyase esti martes, depués de dos años ensin facelo, pa cesar al so direutor ensin esplicación nenguna. José Naveiras Escanlar, más conocíu como Pepe'l Ferreiru, foi l’alma mater del Muséu Etnográficu de Grandas de Salime, creáu en 1984 gracies a la gran cantidá d’apareyos tradicionales qu’axuntó y que si nun fuera por él tendríen desapaecío. El Ferreiru yá entamará la so llabor de recopilación etnográfica a finales de los 70'. Pepe'l Ferreiru enxamás nun fue una persona grata pa les alministraciones, entamando pol alcalde de Grandas, el socialista Eustaquio Revilla, quien yá fixo pa sustituilu, o la Conseyería de Mediu Rural, quien fai dos años destituyólu del consorciu del muséu. Tamién foi percríticu con Caxastur pola so curtia aportación económica pal muséu. La CSI ta escontra la subordinación de l'alministración pública a los intereses partidarios y privaos, polo que defendemos l'exerciciu de la crítica a la xestión política y sumamonos a la concentración convocada pal martes 26 a les 15:30 na Conseyería de cultura (edificiu Calatrava, Uviéu). [+info: La Voz de Asturias] [+info: Muséu etnográficu de Grandas de Salime] |
||||
| CONCENTRACIÓN: Vienres 29 de xineru. 19 h. Plaza'l Parche (Avilés) | ||||
22-01-2010 La Comarca d’Avilés yá pasa de los 10.000 paraos y paraes. Asturies anda a la raya los 80.000. Nel 2010 vamos llegar a los 100.000, ye dicir, una de cada cuatro persones trabayadores... Delantre d’esta situación, Gobiernu, Patronal, CCOO y UXT, col sofitu del PP, tán aconceyándose p’algamar un alcuerdu alrodiu’l despidu de baldre, la conxelación salarial, allargar la edá de xubilación, reformar el sistema pensiones enanchando’l plazu de 15 años pal so cálculu... Dende la CSI, non solo nos oponemos a estes midíes, sinón que realizamos delles propuestes pa combatir tanto los efectos como les causes de la crisis. Por too ello, la CSI convoca una concentración el prósimu vienres 29 de xineru a les 19 h na Plaza’l Parche (Ayuntamientu d’Avilés). [+info: Cartel de la convocatoria] [+info: Comunicáu] |
||||
| LLIBERTAES: Martes 26. 20 h. Playa de Poniente (Xixón) | ||||
20-01-2010 El martes 26 a les 20 h saldrá, dende la torre de salvamentu de la Playa de Poniente, la manifestación pol esclarecimientu de la muerte de David Blanco baxo custodia policial, col llema "Queremos saber la verdad". |
||||
Convocatoria del Conceyu de paraos, paraes y precarios de Xixon
Cola so crisis sólo quiebren les persones 
Paros escontra los despidos y l’ausencia de consulta a trabayadores 
Vamos xubilamos más tarde, la pensión va ser más pequeña
Cuervu inxenuu 
Hasta los 67 y más allá 
Roben los pensionistes, non los bancos
Ayuda humanitaria p’Haití, militares p’Afganistán y espulsiones d’inmigrantes n’Asturies
Xuiciu al acosu policial
Concentración en sofitu a Pepe'l Ferreiru 
Manifestación pol esclarecimientu de la muerte de David Blanco
|
Campañes |
 |
 |
 |
 |
 |
 |
|
 |
 |
|
 |
|
 |