"La roja" mancha

28-06-2010 Más d'un centenar de persones concentráronse nel paséu Los Álamos d'Uviéu, el xueves 24, pa escuchar los testimonios de persones inmigrantes agredíes nes comisaríes asturianes. Depués manifestáronse delantre la comisaría: "tamos güei equí pa glayar que “la roja” ta manchada cola sangre y el sudu de les esplotaes, de les espulsaes [...] porque “la roja” ye un símbolu, el xuegu d’un Estáu que s’escuende tres d’un “eventu deportivu” mientres da pataes a los nuestros drechos". Nuna de les intervenciones recordóse que "equí, les cámares de les televisiones enfoquen a los futbolistes africanos o llatinoamericanos (héroes del balón), mientres qu’a los sos compatriotes espúlsenlos del país: queremos velos na pantalla pero non nes nuestres cais". Lleer+

[+Info: Kaosenlared]

La Fórmula de los recortes llega al Parllamentu asturianu

27-06-2010 Retresmitir les carreres de Fernando Alonso cuesta 20 millones d'euros cada cuatro años. Recortar los servicios públicos y los nuesos derechos nun tien preciu.

La CSI esixó, el miércoles día 23, la denegación del proyectu de Llei de midíes urxentes de contención del gastu y en materia fiscal pal amenorgamientu del gastu públicu", nuna comparecencia de los distintos sindicatos na Xunta Xeneral: "mientres el gobiernu asturianu recorta, a les trabayadores y movimientos sociales reprímenos sistemáticamente nes nueses movilizaciones, criminalízasenos, múltasenos, vixílasenos. Vustedes modifiquen les lleis recortando los nuesos derechos llaborales y sociales, agrédennos con nueves reformes llaborales y mienten nes sos campañes electorales, incumplen reiteradamente los sos compromisos y pautos roblaos, y esperen una respuesta mesurada, aborregada, deseyando que cale la desesperación de que too vuelve tar atao y bien atao, como nos meyores tiempos de la dictadura..."

[Lleer+: Testu comparecencia] [+Info: La Nueva España] [+Info: La Voz de Asturias] [+Info: El Comercio]

Un grupu de manifestantes ocupa durante una hora la sé central del BBVA

25-06-2010 El xueves pasáu, 24 de xunu, a les 11:15 de la mañana, hacia 60 trabayadores tomaron la sé central del Banco Bilbao Vizcaya Argentaria (BBVA) na plaza’l Carme de Xixón.

Esta aición ye la primera y, en bona midida, tamién la presentación del Conceyu en Defensa de los Trabayadores escontra la Crisis Capitalista, que se constituyó apocayá en Xixón.

L’aición consistió no siguiente: mientres la metá de les compañeres y compañeros entraba nel BBVA llevando carteles con conseñes escrites, el restu quedaba fuera del BBVA con una pancarta na que se lleía: “ÉNTE LA ‘CRISIS’ REPARTU DEL TRABAYU Y LA RIQUEZA”. Nun llevaben vuvuceles, pero sí unos bonos xiblatos que nun quedaben mancos, amás de los pulmones de cada quien colos que tamién glayaben les conseñes escrites nos carteles: “Los bancos son la ruina de la nación”, “La crisis global que la pague’l capital”, “Banca pública con control social”, “Les nuestres vides valen más que los sos beneficios”, “Empreses con beneficios: despidos prohibíos”, “¿Ónde ta’l beneficiu empresarial?”, “Fuelga, fuelga, fuelga: fuelga xeneral”...

Al grupu de dientro “atendiólu” el direutor de la sé central xixonesa del BBVA, al que se-y comunicó que nun se diba impedir l’actividá del bancu, que se trataba d’un actu de protesta pacíficu y qu’igual elli mesmu, a nun tardar, engrose l’exércitu de paraos, que yá anda pelos cinco millones, y qu’un cartel y un xiblatu taben aguardando por elli. A los venti minutos llargos de tar ellí, llegó una llechera y un furgón de la Policía Nacional con media docena de númberos, a los que, en reprochándo-yos la tardanza, dióse-yos la bienvenida: “¡Cuidáu colos recortes qu’igual vos quiten les porres!”, y dalguna delicia más, a les que respondíen con dalgunes sorrises...

[Crónica íntegra y panfletu: Asturbulla]

La xenofobia nun mos va sacar de la crisis

21-06-2010 Primero de que la XE aplicara la so vergoñosa "Directiva de retornu" yá yera una realidá de primer orde la persecución de la población inmigrante n’Asturies y nel Estáu español. La directiva namás-y dio un marcu llegal “comunitariu” a les aberraciones que se taben cometiendo: persecuciones nes cais, arrestos preventivos, vexaciones, palices... Un vezu que nos últimos meses nun fixo más qu’agravase enguizáu pola Delegación del gobiernu español y les corporaciones locales.

Los diversos colectivos integrantes de la Ruta Contra'l Racismu y la Represión convocaron un actu de protesta’l xueves qu’entra, día 24. L’oxetivu ye denunciar les consecuencies de la nueva llei d’estranxería y les agresiones sufríes polos inmigrantes nes dependencies policiales.

¿Falamos chino?

20-06-2010 La CSI participó ayeri na despidida nel aeropuertu d'Álvarez Areces, que va realizar una visita institucional de seis díes a China ya India, xunto con una representación empresarial pa: «presentar nel esterior una Asturies innovadora, con una economía competitiva». L'interés por visitar los mercaos asiáticos contrasta cola incomprensión d’una reivindicación clara: la crisis tien que pagala quien la provocó. Pel momentu, el gobiernu asturianu namás entiende l'idioma internacional de los mercaos, y les demandes de xusticia social suénen-y a chinu.

[+Info: La Voz de Asturias ] [+Info: El Comercio]

Por unes midíes económiques xustes dirixíes contra los causantes de la crisis

16-06-2010 Ta previsto que s’apruebe’l recorte salarial na Xunta Xeneral. Ye imprescindible movilizase pa evitalo, yá que si llogramos evitar esi alcuerdu del Parllamentu asturianu l’impactu de les midíes diba quedar embrivíu daveres. Si a ello xunimos l’amenaza (yá realizada en dellos ámbitos) de recortar la plantiya pente medies de despidos del personal temporal y la imposición de la movilidá forciada faise más evidente entá la necesidá d’una movilización contina.

La CSI, xunto con diversos sindicatos –SATSE, SIMPA, USAE, STAJ, CSIF, USO, USIPA, SIPLA, SICEPA, SIPU, SUATEA-SF y ANPE– convocó delles concentraciones nel EASMU, y tamién una manifestación alredor de la Xunta Xeneral el día 24 de xunu: Contra los retayos salariales. Contra los retayos de plantiya. Por un serviciu públicu de garantíes. Por unes midíes económiques xustes y dirixíes a los causantes de la crisis.

Los ricos más ricos y los probes ¿más dóciles?

09-06-2010 Sabemos que los y les trabayadores d’Asturies nun podemos iguar los problemes del mundu. Pero podemos salir a la cai a demuesar que nun queremos siguir careciendo les consecuencies d’un sistema capitalista diseñáu pa da-y puxu a la desigualdá y la esplotación, que nun mos peta pagar les sos deldes lo mesmo qu’ellos nun repartieren los sos beneficios, que tamos fartos y fartes de pagar los platos rotos polos capitalistes y que tamos fartos y fartes de caltener un sistema capitalista que yá fracasó dafechu. Hai que facer yá una fuelga xeneral y cuantes seyan necesaries pa torgar que los ricos seyan ca vegada más ricos y los probes ca vegada más probes. Lleer+

Cuestión de Trigo

09-06-2010 Dempués d'un conflictu contra la perdida de puestos de trabayu, contra los aumentos constantes de los ritmos de productividá que someten a les persones del Tren a un trabayu descomanáu constante y a una situación de stress llaboral, qu'ensin dulda tien efectos sobre la salú, y too pa qu'Él llogre mayores beneficios a cuenta de lo que sía y de quien sía. Lleer+

La CSI participará na fuelga pero nun va firmar al día siguiente nenguna reforma llaboral

07-06-2010 Mañana martes los sindicatos UXT y CC OO tienen convocada una xornada de fuelga en protesta polos recortes económicos alcordaos pol gobiernu a les emplegaes y emplegaos públicos.

Énte ello, la Corriente Sindical d’Izquierda realiza’l posicionamientu públicu siguiente: per una parte llama a participar na fuelga porque, al marxe de quién la convoque, les midíes del gobiernu suponen una agresión intolerable que nun tien que quedar ensin respuesta; per otru llau, les nueses sigles nun van apaecer nos carteles anunciadores de la mesma, porque consideramos qu’UXT–CCOO son collaboradores necesarios nesta situación por munchos motivos. Lleer+

06-06-2010 El pasáu miércoles día 2, más de doscientes persones condergaron n'Uviéu, al igual qu'en Xixón dos díes antes, el criminal ataque que'l gobiernu sionista d'Israel perpetó contra la caravana humanitaria formada por seis barcos, ‘Flotilla de la Llibertá’, que se dirixía a la Franxa de Gaza nel que siquier 19 persones morrieron y más de 60 resultaron mancaes.

La protesta, empecipiada frente al Teatru Campoamor, dirixóse a la Casina del Fontán, edificiu emprestáu a la Comunidá israelí, rematando énte la Casa Conceyu d'Uviéu, señalando la responsabilidá na cobertoria política, mediática y cultura que garantiza la impunidá de los crímenes sionistes. Lleer+

[Lleer+: Comunicáu Casina del Fontán] [+Info: Vídeu concentración en Xixón]

Poles que ya perdieron el 100 % y poles que lo van perder

03-06-2010 Más de dos mil persones, convocaes por un total de cartoce organizaciones sindicales, manifestáronse contra unes midíes que ponen en cuestión los servicios públicos de la que dexen intactes les rentes del capital.

Dende la CSI, refuguemos la dixebra ente "funcionarios" y "el restu", que dende los medios de comunicación traten de presentar p'aisllar a los distintos colectivos que sufren los efectos de les midíes de "rescate". Munches persones perdieron el 100% de les sos posibilidaes de subsistencia, al tiempu que se retayen les escases midíes de solidaridá esistentes hasta'l momentu.

[+Humor: Algo chiquitito] [+Info: Europa Press] [+Info: La Nueva España] [+Info: El Comercio]