Espulsiones, montaxes policiales y tribunales de esceición

30-11-2011 Cerca d'un centenar de persones tuvieron nel actu de protesta convocáu pola "Plataforma contra la represión y poles llibertaes" delantre de la Delegación del Gobiernu español pa denunciar los casos más recién de represión: espulsión d'inmigrantes, xuiciu a Berto na Audiencia Nacional, prohibición del DMR, persecución de militantes comunistes... casos nos que se visibiliza que la esceición ta convirtiéndose en norma (Llei d'extranxería, Audiencia Nacional, CIEs, arbitrariedá nes decisiones municipales, etc.).

[+vídeo: Rueda prensa] [+info: Diagonal]

"Rómpese un tonel", memories en sofitu a l'aldea y la sidra

01-12-2011 Esta selmana'l Colectivu de Vega en Defensa del Mediu Rural -col que la CSI collabora estrechamente- presentó nel Antiguu Institutu de Xixón el llibru «¡Rómpese un tonel!», que rinde tributu al paisaxe y al paisanaxe d'aldega. El volume recueye una amuesa de 200 referencies a el costume de «romper un tonel». El testu y documentación ye de Juan Carlos Río. De coordinar los conteníos ocupose Carmen Suárez, y los vecinos apurrieron fotografíes antigües. El prólogu ye obra de Javier Morán y artistes como Melquíades Álvarez, Josefina Xuncu, Mabel Llavandera y Pablo Maojo emprestaron la so collaboración, xuntu con munches otres persones.

Basta de farsa constitucional

24-11-2011 Tamos fartes y fartos de sentir que la Constitución Española ye la norma cimera pola que nos empobinamos nel Estáu español. Que gracies a ella vivimos en democracia, fuimos quien a algamar la triba sociedá de la qu’agora esfrutamos y que, a la fin, tolo que tenemos, debémos-ylo a esta Constitución. Pero, cola que ta cayendo, tenemos de facenos una entruga: ¿qué ye, en realidad, lo que tenemos?, ¿cuáles son les conquistes d’esta Constitución?

La rempuesta ye bien fácil. Dempués de 33 constitucionales años, vamos camín de los 100.000 paraos y paraes n’Asturies. Más de 5 millones nel Estáu. Les contines Reformes Llaborales prevoquen más paru, más emplegu temporal y despidos poco menos que de baldre. Les Reformes de les Pensiones aumentaron de 65 a 67 años la edá xubilación, amenorgaron les pensiones y la realidá ye que’l 72% los y les pensionistes cobren menos de 1.000 € y el 58% (más de la metada) cobren menos de 600 €. El desemplegu algama’l 45% la mocedá y los contratos de Formación y Aprendizax conderguen a los menores de 33 años a sueldos perbaxu los 600 € y a despidos de baldre ensin drechu a paru. Una presona de cada 4 ta na probitú y les condiciones de vida tan esfarrapándose ca vegada más. ¡Un gran ésitu Constitucional!. Lleer+

Fallou en llibertá

27-11-2011 Contra tou pronósticu, el trabayador senegalés deteníu'l pasáu xueves foi puestu en llibertá, en llugar de ser conducíu a un CIE como pasu previu a la so espulsión.

Paez que'l fechu d'interesase pola so situación ante les instancies xudiciales, la denuncia na cai y la presencia de medios de comunicación contribuyó a torgar que Fallou siguiera'l camín que tán percorriendo cada vez más inmigrantes n'Asturies.

[+info: Ruta contra'l racismu] [+info: La Voz de Asturias]

Non a la espusión de Fallou, testigu clave nun casu d'esplotación d'inmigrantes

24-11-2011 La Ruta contra'l racismu y la represión quier denunciar la detención d'otra persona inmigrante pol "delitu" de nun tener papeles. Esti casu ye entá más sangrante dao que Fallou, la persona detenida, ye testigu clave nun procesu xudicial abiertu contra una empresa de distribución de cubos de basura. La so espulsión podría significar la impunidá de la empresa.

A lo llargo de la mañana del vienres 25 de noviembre, a partir de les 9:30h, la Ruta va partir información delantre de los Xulgaos de la cai Comandante Caballero. N'unu d'ellos decidirá'l futuru de Fallou: internamientu nun CIE, espulsión o dexalo de nuevu na cai por que vuelva empezar el pelegrinaxe"... Lleer+

Encabezaron la represión, agora les llistes electorales

22-11-2011 Antonio Trevín (PSOE) y Mercedes Fernández “Cherines” (PP) desempeñaron el cargu de Delegáu del Gobiernu español: aplicaron les mesmes polítiques neolliberales, despreciaron al pueblu asturianu, criminalizanon la protesta y escorrieron a les inmigrantes. Quien-yos asoceda va tener enfrente la nuesa solidaridá porque si toquen a una tóquennos a toes.

La "Plataforma contra la represión y poles llibertaes" convoca una concentración pa denunciar los casos caberos de represión (espulsión d'inmigrantes, xuiciu a Berto na Audiencia Nacional, prohibición del DMR, persecución de militantes comunistes, indentificaciones en manifestaciones y lliberación d'espacios públicos...) y pa recordar que los planes d'axuste namás pueden desendolcase a fuerza de control, represión y criminalización de la protesta social.

1.400 personas apoyan en Uviéu a las trabajadoras de RTPA

16-11-2011 La segunda gran manifestación en defensa de la radiotelevisión autonómica transcurrió desde la estación de RENFE hasta el edificio de Presidencia. Unos 300 manifestantes trasladaron después sus reivindicaciones a los exteriores del Auditorio, que acogía un acto electoral de Foro Asturias.

[+info: Diagonal] [+info: Glayíu]

A tres turnos, trescientos

18-11-2011 Nel númberu de payares de "la Fueya", revista de la Corriente Sindical d'Izquierda na Alministración autonómica asturiana, recuéyense les siguientes cuestiones: Cien díes de gobiernu asturianu: a tres turnos, trescientos; la formación y el doble sueldu: retayar prebendas; ofensiva contra la enseñanza pública asturiana; tamos en crisis. Non a les prórrogues en les xubilaciones; preparadores y dineru público: el doble moral; conflictu na RTPA: carta al presidente d'Asturies.

[+info: Fueya Payares 2011]

Campaña de denuncia de las expulsiones de inmigrantes

17-11-2011 La Ruta contra'l racismu entama güei una campaña de denuncia de la persecución de persones inmigrantes y del usu de la inmigración como chivu espiatoriu de la crisis.

Amás de formar un grupu de denuncia "express", que va actuar namás conocese la detención d'una persona inmigrante, va realizase un trabayu de visibilización pública gracies a dellos cartelos y pegatines. El primeru d'ellos señala la desapaición non de persones inmigrantes anónimes, sinón de quien tenemos de considerar vecines que conocemos y vemos a diariu. Amás, ta preparándose una movilización n'Uviéu en redol al 18 d'avientu.

Contra la privatización... lliberación d'espacios públicos

16-11-2011 Delles activistes venceyaes al movimientu 15 M fixeron pública la entrada al edificiu de l'antigua Conseyería de Salú y Servicios Sanitarios d'Asturies, que diba ser destináu a la especulación financiada poles instituciones públiques asturianes.

L'apertura del edificiu producióse va una selmana ensin necesidá d'emplegar violencia dalguna, dao que les puertes nun taben bloquedas. El grupu d'entrada foi releváu por activistes del 15M que de forma rotatoria llevaron alantre les xeres básiques por que el espaciu quede a disposición de la comunidá (vecines, asociaciones del barriu, colectivos sociales... y polo xeneral de la ciudadanía). Foi ayeri cuando se fixo pública l'acción coincidiendo colos primeros seis meses d'esistencia del movimientu.

Dende la CSI sofitamos esti golpe contra una de les operaciones especulatives más importantes de la ciudá y contra la idea de que la privatización d'espacios y servicios públicos ye l'únicu camín. Por eso llamamos a les nueses afiliaes de la comarca d'Uviéu a averase al centru y a participar nes acciones de sofitu.

[+info: 15M Oviedo] [+info: Diagonal] [+info: 20minutos] [+info: Vídeu El Comercio]

Pieslle de TELETEMAS y prestamismu llaboral na RTPA

16-11-2011 Esta mesma tarde diose a conocer que la empresa TELETEMAS, perteneciente al Grupu Bittia, va echar el pieslle. Dende'l sindicatu CSI queremos denunciar públicamente lo siguiente:

Les trabayadores de la empresa TELETEMAS realicen trabayos de redacción d'informativos, producción d'informativos, programes y retresmisiones, ellaboración de promociones, documentación y antena y conteníos. Estes xeres realicense nes instalaciones de RTPA, con equipos de RTPA y so la dirección y organización llaboral de personal de RTPA. Creyemos que toos ellos atópense en cesión illegal de trabayadores. El despidu de esti trabayadores va suponer la imposibilidá pa la RTPA de siguir la so actividá con normalidá, pos tamos falando de xeres estructurales ya insustituibles. Lleer+

[+info: El Comercio]

Cuentes non cuentos

16-11-2011 Los datos del paru y la probeza son constantes na campaña electoral, sicasí, les soluciones qu'ufierten nun sirven pa resolver estes problemátiques.

Dende va selmanes l'Asociación contra la esclusión Alambique -sol lema "Cuentes non cuentos"- vien realizando una serie d'actividaes col envís de cuestionar cuálos son les prioridaes que tienen los políticos a la d'asignar los presupuestos, municipales y autonómicos. Dende la CSI n'Uviéu animamos a sumase a l'acción que se va realizar el próximu xueves 17 de noviembre a les 10h delantre de la Conseyería de Bienestar Social pa denunciar los trasos nel resolvimientu del Salariu Social.

16-11-2011 L'actu de campaña del PSOE nel Apurro, onde participaba'l ministru de trabayu y inmigración Valeriano Gómez xuntu col candidatu al congresu por Asturies, Antonio Trevín, tuvo rempuesta per parte d'unes 80 persones aprosimao que, allegando al llamamientu de la CSI, amosaron el so refugu a les polítiques de retayos y reformes llaborales qu'entamó l'actual gobiernu. Lleer+

[+info: Barricaes y protestes nes carreteres llocales] [+info: Diagonal]

Primera aición de denuncia ente l'Inspeición de Telecomunicaciones

16-11-2011 El martes 15 realizase n'Uvieú la primer aición de denuncia de la nueva política de la Inspeición de Telecomunicacones, dirixida por José Antonio Díez Menéndez, que tien l'empeñu de pesllar les radios comuñales asturianes.

Darréu atópense afectaes RadioSele, RadioQK y Radio Uxo. Nesta primer aición simbólica partióse infromación sobre la situación d'acoso y l'importancia d'esti tipu de medios nun contestu de monopoliu de la infomación per parte de los grandes grupos mediáticos.

[+info: Crónica de la concentración RadioQk]

Recibimientu al ministru de paru, precariedá y espulsión d'inmigrantes

11-11-2011 El martes día 15, Valeriano Gómez, Ministru de Trabayu ya Inmigración, va participar nun actu de campaña del PSOE acompañáu por Antonio Trevín.

En respuesta a los retayos en derechos, la estensión de la precariedá llaboral y el paru, la reforma llaboral y de les pensiones, la espulsión d'inmigrantes y la criminalización de la protesta social, gustaría ufiertar a dambos el recibimientu que se merecen, polo que se convoca una concentración el martes 15 a les 19 h en Plaza La ilesia (L'Entregu).

Díez Menéndez apuesta por "llimpiar" les ondes de too lo que nun seya basura

11-11-2011 Nel espaciu de poques selmanes, dos radios llibres instalaes na comarca d'Uviéu recibieron presiones per parte de la Inspección de Telecomunicaciones, dirixida por José Antonio Díez Menéndez, pa forzar el final de les emisiones. El mecanismu foi'l mesmu en dambos casos, una carta empobinada a la comunidá de vecines onde caúna tien instalada la so antena, na que s'amenacia con una multa d'hasta 500.000 euros en casu de nun identificar a les persones responsables de les emisiones.

Dambes radios tuvieron siempres los sos micrófonos abiertos pa falar de les problemátiques llaborales y sociales de la comarca y del conxuntu de Asturies. Asina, por casu, RadioQk dedicó un programa especial al conflictu del "Palaciu los neños" nel que taba implicada la CSI. Polo tanto, pueden cuntar cola nuesa solidaridá y col espardimientu de la información y les convocatories que vaigan surdiendo.

[+info: Audio sobre el ataque a RadioQk] [+info: Radio Sele volverá a emitir]

Yá ta na cai el númberu 22 de la revista de la CSI

10-11-2011 Güei salió d'imprenta'l númberu 22 de la revista trimestal "Contracorriente", frutu del trabayu del grupu encargáu de retomar la ellaboración de la revista de la CSI.

Esti númberu percuerre distintes problemátiques, dende la fusión de Caxastur, el esmatelamientu del sector naval, la privatización de la sanidá, el conflictu de les piscines d'Avilés, la esclusión social amplificada pola crisis, el secuestru de la RTPA per parte de la clase política, una entrevista al nuesu secretariu xeneral Samuel Fernández... hasta cuestiones rellacionaes cola flotilla de la paz, la soberanía alimentaria o la memoria del Ochobre asturianu.

[Contracorriente Nº 22]

Denuncia de les consecuencies ambientales y sociales de la incineración

10-11-2011 El domingu 6 cellebrose una concentración y una perfomance contra'l proyectu d'incineradora de Serín. La concentración foi convocada pol "Conceyu Contra la Incineración" y el Grupu de Trabayu de Mediu Ambiente del 15M de Xixón". La perfomance consistió nuna adaptación de "La Hestoria de les Coses" de Anniel Leonard, que tuvo llugar nel patiu cubiertu del Colexu Xovellanos. Estes actividaes entamáronse dientro de “Les Xornaes contra la Incineradora de Serín”. Lleer+

[+info: Imáxenes] [+info: Asturies verde]

Morrió'l compañeru Walter

08-11-2011 Güei recibimos la triste noticia del fallecimientu del compañeru Walter López Secades, delegáu de la CSI na Unviersidá d'Uviéu, tres una llarga enfermedá. El miércoles 9, a les 16h va cellebrase un funeral na ilesia parroquial de Santu Domingu de Guzmán (PP. Dominicos), enantes de ser soterráu nel campusantu d'El Salvador.

El PSOE ¿nun pinta nada n'Avilés?

08-11-2011 Los conceyales del PSOE d'Avilés acusen acusen a la CSI de facer pintaes. Faen responsable a esti sindicatu d'obligar al Ayuntamientu a gastar perres públiques na so llimpieza. Pero, ¿por qué nun pasa nada cuandu les pintaes les fae'l PSOE?.

Nin TeleTini nin TeleCascos

08-11-2011 un grupu de trabayadores y simpatizantes de la RTPA fixo actu de presencia nel entamu de la campaña electoral del PSOE de Xixón, como fixeron nel entamu de campaña del restu de les formaciones polítiques principales.

Les trabayadores portaben cartelos nos que s'amosaba'l so refugu a la situación actual que vive la cadena, pedian que se pagaren los salarios debíos a les trabayadores de el productores y sobremanera, clamaben por una RTPA pública ya independiente de los partíos políticos al incluyir el mensaxe "Nin Tele-Tini Nin Tele-Casco" como encabezamientu de los cartelos que llevaben. Lleer+

Los conceyales d'Avilés mienten sobro les piscines

07-11-2011 Delantre la ñegación de les intosicaciones por inhalación de cloru de dellos trabayadores municipales, la Corriente Sindical d’Izquierda quier denunciar les contines manipulaciones y mentires de los conceyales Román Álvarez y Ana Hevia, en rellación cola situación de les piscines municipales d’Avilés:

1-El xulgáu nun descarta la intosicación por cloru na piscina de La Madalena. Tolo contrario; ye la propia Fiscalía quien afita que “de tola instruición de les dilixencies, paez nidio que los trabayadores carecieron una intosicación por cloru demientres l’exerciciu de la so actividá llaboral”. Paez ser que, pa Román Álvarez y Ana Hevia, la Fiscalía miente nes sos afirmaciones.

2-Tolos informes mélicos aportaos por CSI, tanto los informes mélicos forenses, somu del Serviciu de Salú del Principáu d’Asturies, sopelexaron la esistencia de “intosicación por inhalación masiva de derivaos de cloru nel so puestu trabayu, allugáu na piscina d’Avilés”. Pa Román Álvarez y Ana Hevia, estos informes tamién son falsos o inesistentes. Leer+

[+info: La voz de Avilés] [+info: La Nueva España]

Llucha polo que quies

04-11-2011 Ayeri xueves, unes docientes persones participaron nel pasacais convocáu polos sindicatos alternativos CSI, CGT y SUATEA. A lo llargo del percorríu repartiose información y pegaronse cartelos y pancartes de papel nes fachaes de bancos, partíos y empreses que llueñe de querer salir de la crisis son los sos principales beneficiaos.

Siguiendo al pie de la lletra la conseña insurreccional del cartelu eleutoral del PSOE, la marcha detúvose delantre de la see d'esta empresa electoral p'asitiar una parcarta col lema "nun sois socialistes, sois capitalistes" y pa recorda-yos que vamos lluchar polo que queremos: una sociedá na que nun haya sitiu nin pa políticos como Trevín, Merced Fernández "Cherines", nin pa empresarios como Severino García Vigón o Serafín Abilio, nin pa policías antidisturbios como los qu'arrodiaron la marcha...

Charra de Guillermo Toledo

03-11-2011 L'equipu de audiovisuales de la CSI vien d'asoleyar un nuevu canal de Youtube onde se reunen los materiales ellaboraos pol grupu y se caltien un enllaz a los anteriores que se van dir incorporando pasu ente pasu. Equí teneis la primera parte de la charra de Guillermo Toledo.

Parte 1 - Parte 2 - Parte 3

Opinar nun ye delitu

01-11-2011 Dende CSI Mocedá queremos manifestar la nuesa solidaridá col trabayador asturianu Bertu O.R., que va ser xulgáu na Audiencia Nacional estatal el prósimu 20 d'avientu. Esti mozu xixonés de 31 años, al que la fiscalía pide una conderga de 18 meses de prisión, ta acusáu d'un presuntu delitu d'enaltecimientu del terrorismu en rellación a unos fechos producíos nel añu 2009. Entós foi secuestráu pola Guardia Civil y treslladáu a Madrid baxu lexislación antiterrorista, quedando a la fin en llibertá con cargos. Lleer+

[+info: Comunicáu de Sofitu]