Supresión d'ayudes a la mocedá pa que s'emancipen los mercaos

31-12-2011 Énte la noticia de que'l nuevu equipu de gobiernu del PP en Madrid decidió suprimir l'ayuda de 210 euros d'un plazu de cuatro años pa mozos d'ente 22 y 30 años, denominada Renta Básica d'Emancipación, dende la sección de Mocedá de la CSI queremos manifestar lo viniente:

1) Qu'esto nun ye más qu'un primer avisu pa navegantes sobre cual va ser el sentíu de les polítiques sociales del Gobiernu español tanto en rellación a la mocedá en particular como a los restos entá esistentes del llamáu “Estáu del Bienestar”: el retayu de cualisquier tipu de cobertoria social nel marcu d'un regresu estructural al capitalismu xabaz. Lleer+

+info: Nuevu blog de CSI-Mocedá

Trabayadores de RTPA denuncien que 182 persones siguen ensin cobrar les sos nómines

30-12-2011Les trabayadores de RTPA y del productores que trabayen pal Ente ufiertaron una rueda de prensa na que denunciaron que 182 trabayadores siguen ensin cobrar les sos nómines y nun saben cuándo lo fadrán. Hasta 182 trabayadores dependientes de la Radiotelevisión pública asturiana atropen ente unu y cuatro meses ensin cobrar, según denunciaron güei los representantes de les trabayadores. Lleer+

[+info: Videu RTPA]

[+video: Charra completa]

La fuelga paraliza la RTPA

21-12-2011 Dende les 7 h la mañana d'ayeri martes 20 d´avientu trabayadores de la plantilla de la RTPA y de les subcontrates afectaes polos impagos nel ente públicu ficieron llabores d´información a les puertes de les instalaciones de la empresa, en Cagüeñes, Xixón, con presencia mayoritaria de afiliaes a los sindicatos UGT y CSI. La xornada de paru taba convocada pa reclamar un proyectu de futuru pa la empresa, el fin de les corrupteles na xestión, la tresparencia y el fin del bloquéu financieru a la radio y televisión públiques asturianes que caltién el gobiernu del Principáu. Lleer+

[+info: La CSI ante la fuelga del día 20] [+info: Videu RTPA] [+info: La Nueva España]

No al juicio a Bertu

18-12-2011 El vienres 16 a les 20 h una trentena de persones participaron a pesar del tiempu nuna concentración pa denunciar la represión al mozu independentista A.O.R que va ser xulgáu na Audiencia Nacional acusáu d'enaltecimientu del terrorismu nada menos que por realizar un comentariu nuna rede social. Tamién se realizó una cena pa recaldar fondos pa financiar los gastos del xuiciu y l'acompañamientu a lo llargo del xuiciu, que va cellebrase'l martes 20 en Madrid.

Nun tenemos nada que cellebrar. ¡Salariu social ya!

17-12-2011 L'Asociación contra la esclusión ALAMBIQUE sigue denunciando la situación na que s'atopa'l Salariu Social Básicu y el nuesu derechu a unos ingresos económicos mínimos en situaciones de falta y necesidá. Con esti motivu convoquen una concentración de 24 hores delantre de la Conseyería de Bienestar Social (Uviéu) a lo llargo de la cual van realizase distintes acciones de denuncia y visualización de la situación na que s'alcuentren les persones que lleven esperando meses pa poder exercer esti derechu. Tamién ellaboraron un Manifiestu con unes midíes urxentes pa faer vidable'l derechu a unos ingresos económicos, que se va a apurrir a la Conseyera de Bienestar Social el día 22 d'Avientu y que conviden a roblar y sofitar. Dende la CSI n'Uviéu vamos ufiertar sofitu a l'acción y animamos a participar nes acciones entamaes Lleer+

[Programa d'actividaes]

Tamos a tiempu de parar la privatización de la salud n'Asturies

16-12-2011 La sección sindical de la CSI, en collaboración col grupu de salú y sanidá del 15M entamó dos charres que cuntaron con gran ésitu d'asistencia. Unes 140 persones enllenaron el salón d'actos del Antiguu Institutu Xovellanos de Xixón, mientres que unes 60 persones participaron nun interesante alderique nel CSOA La Madreña sobre la organización de la llucha contra la privatización, nel que participaron integrantes de l'asociación de vecines de Pumarín d'Uviéu.

[+video] [+info: La Nueva España] [+info: Blog de CSI-Sanidad]

Sentencia favorable al representante de la CSI en Barros

15-12-2011 El representante de la CSI en Duro Felguera ganó'l xuiciu a la empresa que-y sancionaba a 20 díes ensin empléu y sueldu y abría-y les puertes al despidu. D'esta manera, Duro Felguera y el Comité d'empresa -con representación de CCOO y UXT- van tener más dificill desfacese de la mayoría de compañeros que quieren trabayu nel Taller de Barros y non el so pieslle. Un nuevu escenariu ábrese agora en Barros de futuru y de llucha...

Non a la espulsión de Mamadou

12-12-2011 El sábadu 10 d'avientu, el Día Mundial de los Derechos Humanos foi celebráu en Asturies cola detención y confinamientu nun Centru d'Internamientu d'Estranxeros d'un vecín de la ciudá d'Uviéu. Mamadou Drame llevaba cinco año viviendo ente nós y tratara de regularizar la so situación, pero'l pasáu miércoles la policía detúvo-y nun control racista: el so únicu delitu ye ser negru y nun tener papeles.

Nesti sentíu, el Dictame del Comité de Derechos Humanos de Naciones Xuníes de 17 d'agostu de 2009 (Comunicación nº 1493/2006) declara que los controles d'identidá étnicamente selectivos violen l'artículu 26 del Pactu Internacional de Derechos Civiles y Políticos. La detención de Mamadou nun ye un fechu aislláu. Una media de 30 persones ye espulsada acaldía como resultáu de los millones d'identificaciones racistes que la policía realiza añalmente nel Estáu español. Lleer+

[+info: Entrevista en RadioQK] [+info: Ruta contra'l racismu]

Aiciones contra'l pieslle de les radios llibres

30-11-2011 Dientro la campaña de denuncia de les midíes llevaes a cabu pola Xefatura Provincial de Telecomunicaciones de Asturies contra les radios llibre y comuñal, el martes 13 d'Avientu va llevase acabo un unvíu masivu de mails, faxes y llamaes telefóniques a dicha Xefatura. Proponemos el testu que vien darréu: Lleer+

Barricada nes instalaciones de l'axencia de publicidá Bittia

10-12-2011 Les oficines centrales de l'axencia de publicidá Bittia, asitiada nel barriu xixonés de Viesques, vivió güei la colocación d'una barricada en llames a les puertes, cuyu fueu fizo españar la puerta principal de la sée del grupu comunicativu.

El motivu de l'aición rellaciónase cola productora Teletemas, propiedá del grupu Bittia y que vien de presentar el concursu d'acreedores polos impagos del ente públicu de radiotelevisión asturianu, polos que la plantilla de 31 trabayadores lleva ensin cobrar los caberos tres meses. Asina, siguen les aiciones de llucha llaboral consecuencia de la situación d'esceicionalidá na que s'atopa RTPA, que ta llevando a una situación llímite a cientos de trabayadores que, a la so tradicional situación de precariedá, amesten los impagos salariales.

[+info: Infoasturies] [+info: El Comercio] [+info: La Nueva España]

Nin esplotaes, ni espulsaes nin encarcelaes

09-12-2011 La Ruta contra'l racismu convoca una movilización contra la persecución de les persones inmigrantes, qu'anguaño tienen d'escoyer ente vivir esplotaes, arriesgase a ser encarcelaes nun CIE por nun tener unos papeles imposibles de consiguir o ser espulsaes. L'últimu casu ye'l del nuesu compañeru Mamadou, deteníu por nun tener documentación ayeri y qu'entá permanez nes dependencies policiales ensin saber si va ser puestu en llibertá a les 72 hores o unviáu a Senegal nun vuelu especial si'l xulgáu de guardia d'Uviéu ordena'l treslladu al CIE d'Aluche en Madrid.

Nel pasaplazas del domingu 18 (a les 12h con salida de la plaza del Sol d'Uviéu) van denunciase los CIEs, les espulsiones y el papel de les fronteres interiores, pero tamién va sirvir pa recordar que les emigrantes asturianes de güei van ser les inmigrantes esplotaes d'otru sitio mañana. El próximu xueves 15 a les 19:30 h va cellebrase una nueva charra pa preparar esta movilización na que Pili Quintana va esplicar el funcionamientu de los CIEs nel CSOA La Madreña.

[+info: Ruta contra'l racismu]

Los recortes en Catalunya, Madrid... y Asturies

07-12-2011 La seición sindical de la CSI, en collaboración col grupu de salú y sanidá del 15M, entama dos charres pa informar de los efectos de los recortes y privatización de la sanidá. Nelles van intervenir Nines Maestro (Coordinadora antiprivatización de la Sanidá Pública de Madrid), Edu Lucas (representante de la IAC de Catalunya nel comité d'empresa del Hospital San Pau de Barcelona) y Ana Carpintero (delegada de la CSI nel Hospital de Cabueñes).

La primera de les charres celebrará'l martes 13 nel salón d'actos del Centru cultural Antiguu Institutu de Xixón a les 18:30 h, mientres que la segunda va realizase'l miércoles 14 a les 17:30 h nel CSOA La Madreña, antigua conseyería de sanidá.

[+info: Blog de CSI-Sanidad]

Artículu 1: El capital dictará'l restu d'artículos

07-12-2011 "Non a les imposiciones del capital" foi un de les frases de la cabecera de la manifestación convocada por CSI y CXT conxuntamente contra la constitución qu'a la fin sí se podía reformar, pero pa dexar como únicu derechu'l del capital a dictar el funcionamientu de la nuesa sociedá. A la protesta asistieron más de cuatrocientes persones, que percorrieron les cais de Xixón dende la plaza de l'Humedal hasta'l paséu de Begoña, onde se dio llectura a un comunicáu.

[+imágenes] [+info: La Nueva España] [+info: La Voz de Asturias]

Fraude electoral, coacciones y amenaces

06-12-2011 Probablemente pa munchos la CSI sía una gran desconocía, especialmente pa los más nuevos y n'ares d'establecer un mayor y mutua conocencia, dicimoste que somos una organización minoritaria, obviamente con vocación de crecer, que basa la so práctica sindical na asamblea y nel derechu a decidir que tenemos toos as y cada unu de los que trabayamos nesta empresa. Nun tenemos lliberaos y tamos en contra del usu y del abusu qu'UXT, CCOO y USO faen de tal figura. Baste como exemplu que dirixentes d'estes organizaciones -nos comportamientos nun hai diferencies ente elles- lleven más de dos décades “trabayando” ensin trabayar que pasen dende la lliberación a la prexubilación ensin problema. Lleer+

Contra la represión sindical

02-12-2011 El llunes y el miércoles cellebraronse dambos xuicios sobre les presiones realizaes contra los delegaos sindicales de la CSI en Tenecco y Duro Felguera (Barros), conocíos pola so activa contestación a les midíes que busquen la imposición de ERES, retayos de plantiya y tresllaos. En dambos casos realizaronse concentraciones nes que -tantu en Mieres como en Xixón- decenes de persones amosaron la so solidaridá coles que defenden un sindicalismu combativu, bien distintu del realizáu por CC.OO. y UXT.