Entamu del sitiu > Estayes > Rellaciones xunitaries > La CSI escontra’l Festival Aéreu de Xixón: l’asesinatu nin ye diversión nin ye (...)

La CSI escontra’l Festival Aéreu de Xixón: l’asesinatu nin ye diversión nin ye espectáculu

Toles versiones d’esti artículu: [asturianu] [Español]

domingu 26 de xunetu de 2015, por CSI-Info

Non too val pa promocionar la ciudá y activar la economía. Faer espectáculos coles mesmes máquines que s’utilicen pa masacrar pueblos enteros, nun ye pa tar mui arguyosu.

Cualisquier asturianu o asturiana podría dir a cualisquier parte y arguyecese, por exemplu, de tener el conxuntu hestóricu del Prerrománicu más importante, quiciabes, del mundu. Podríemos dicir que pa cualisquier persona interesada nesti arte, Asturies ye una visita obligada.

Sicasí, sería bien difícil visitar determinaes partes del mundu y dicir: “mirái, onde yo vivo, los nuesos representantes políticos gasten una fortuna por que nós pasémoslo en grande viendo volar los mesmos aviones que vos tán asesinando a vós y a les vueses families”.

Va haber que siguir engarrando pa que, dalgún día, la solidaridá sía oxetu d’inversiones como les del Festival Aereu y Asturies sía visita obligada pa cualisquier persona interesada polos Derechos Humanos.