Entamu del sitiu > Estayes > Rellaciones xunitaries > Asturies en Pie y la CSI convoquen una concentración escontra la exhibición (...)

Asturies en Pie y la CSI convoquen una concentración escontra la exhibición de la Guardia real n’Avilés

Miércoles 16 de setiembre - 18:00 h. - Monolitu de Les Meanes - Avilés

Toles versiones d’esti artículu: [asturianu] [Español]

miércoles 16 de setiembre de 2015, por CSI-Info

Dende Asturies en Pie y la CSI afalamos a les organizaciones y coleutivos sociales avilesinos, perespecialmente a los Grupos Municipales republicanos del Conceyu d’Avilés, a convocar, sofitar o, cenciellamente, a participar nesta convocatoria.

COMUNICÁU DE ASTURIES EN PIE Y LA CSI:

GUARDIA REAL ¿PA QUÉ?. ¡GASTOS MILITARES PA FINES SOCIALES!

Dende Asturies en Pie y la Corriente Sindical d’Izquierda (CSI) faemos un llamamientu al Pueblu Asturianu y, bien especialmente, al Pueblu Avilesín, a participar na concentración escontra la presencia y exhibición de la Guardia Real n’Avilés, que va tener llugar el viniente miércoles 16 de setiembre, a les 18:00 h., nel monolitu de Les Meanes.

El paru esbocao y la crítica situación económica pola que traviesen los y les trabayadores, les terribles y urxentes necesidaes sociales, qu’aumenten caldía, tornen esta exhibición de la Guardia Real nun espilfarru intolerable y una tomadura de pelo pa un ensame persones que nun cunten colos ingresos económicos enforma pa satisfacer les sos necesidaes más básiques.

Pa la CSI ye necesario reconducir estos gastos militares hacia la satisfaición de les necesidaes reales del pueblu: alimentación, comedores infantiles, vivienda, Sanidá, Educación o Servicios Sociales.

Pero amás, esta exhibición de la Guardia Real nun ye otra cosa que mera propaganda d’un sistema monárquicu anacrónicu y d’un Xefe d’Estáu que nin siquier revalidó’l so cargu al traviés de les urnes, tal que s’espera d’esa democracia qu’el mesmu monarca diz defender.

Coles mesmes, el fomentu’l militarismu, arrobiñáu polos mesmos mandos de la Guardia Real, nun mundu masacráu poles guerres y los exércitos, ye incompatible cola construición d’una sociedá solidaria y en paz, muncho más si, como nesti casu, pretende realizase estos actos con neños y neñes, que tendríen de ser educaos en dichos valores de paz y solidaridá.

Por too ello, dende la CSI queremos denunciar el doble raseru utilizáu pol Gobiernu municipal del PSOE, que consintió la prohibición de movilizaciones populares pola absolución de los procesaos na fuelga xeneral del 14N y fomenta, agora, la ocupación de les nueses cais con una exhibición militar innecesaria y contraria a les necesidaes reales del nuesu pueblu.