Entamu del sitiu > Sectores > Administración > Alministraciones llocales > Y siguen les irregularidaes na piscina de La Madalena d’Avilés

Y siguen les irregularidaes na piscina de La Madalena d’Avilés

Toles versiones d’esti artículu: [asturianu] [Español]

xueves 16 de xunu de 2016, por CSI-Info

CSI-CONCEYU D’AVILÉS (ASTURIES)

Va unes selmanes, la Corriente Sindical d’Izquierda denunciare a la Fundación Deportiva Municipal del Conceyu d’Avilés por posibles irregularidaes nes obres de la piscina municipal de La Madalena.

En 2015, esta piscina tuvo pesllada demientres dellos meses por unes obres de cambéu de techumbre y retirada del poliuretano tóxicu de techu y parés, por un importe d’unos 75.000 €.

Sicasí, el poliuretano sigue anubriendo los conductos del aire acondicionáu, desobedecido les instruiciones que la Inspeición de Trabayu y l’Institutu Asturianu de Prevención de Riesgos Llaborales dieron nel so momentu.

Tocantes a les obres d’acondicionamientu de la techumbre, dexamos equí dos vídeos de fecha 14 xunu de 2016, nes que puede comprebase los auténticos tabayones nos que se tornaron les goteres de la piscina municipal de La Madalena, dempués d’unes obres de 75.000 €.

Nos caberos 6 años realizáronse 4 obres nel teyáu d’esta piscina, pero’l Gobiernu municipal del PSOE anunció un nuevu zarru la piscina pa unes nueves obres, esta vegada por valor de 140.000 €, pa, ente otres coses, tornar reparar el teyáu y retirar los recubrimientos de poliuretano que’l Gobiernu municipal asegurara que yá se retiraren.

Dende la Corriente Sindical d’Izquierda desiximos públicamente una investigación a fondu sobre les obres realizaes na piscina municipal de La Madalena demientres los pasaos años y la depuración de cuantes responsabilidaes polítiques y penales se derivaren de dicha investigación.

https://www.facebook.com/manuel.hortaprendes/videos/10206807523411847/

https://www.facebook.com/manuel.hortaprendes/videos/10206807549732505/