Entamu del sitiu > Estayes > Rellaciones xunitaries > Asturies > Charra informativa; Pola Absolución d´Aitor, La llucha ye l´únicu (...)

Charra informativa; Pola Absolución d´Aitor, La llucha ye l´únicu camín.

Martes 15 de payares, a les 18:30. Centru Cultural Capistrano, c/ Asturies, nº 22, Villaviciosa, Asturies.

Toles versiones d’esti artículu: [asturianu] [Español]

martes 15 de payares de 2016, por CSI-Info

ENTAMEN: CSI, CGT, CNT-Xixón, SUATEA, SESTAFERIA, FUSOA, PICU RABICU, LA LLEGRA, LA SEMIENTE, LA XUSTICIA, LA LLUME, XIXÓN ANTIFACISTA, PARA@S-PRECARI@S D’ASTURIES, DARRÉU, MIERES EN LLUCHA.

Aitor ye un trabayador que, al igual que tantos otros, trabaya por un sueldu que nin siquier-y algama pa satisfaer les sos necesidaes básiques (alimentos, vivienda, etc.).

Por esta razón, Aitor participa de forma solidaria en numberoses lluches y movilizaciones polos derechos sociales y polos derechos de los y les trabayadores.

De resultes de la so participación nestes movilizaciones y protestes, Aitor ye acusáu de realizar pintaes en Villaviciosa, denunciando la emigración económica a la que se ven forzaos miles de trabayadores p’atopar un trabayu y una forma de ganase la vida.

Acúsase-y d’un delitu de daños, pero les pintaes qu’agora se denuncien nun constitúin un delitu, sinón qu’encaxen perfeutamente nuna infraición leve de desllucimientu, recoyida nel artículu 37.13 de la Llei de Seguridá Ciudadana.

Amás, EL CORTE INGLÉS preséntase como acusación particular, porque la pintada de la que s’acusa a Aitor, foi realizada nun edificiu de la so propiedá. Nel so escritu d’acusación, El Corte Inglés nun se conforma cola indemnización pal arreglu la pintada, sinón qu’añede’l pidimientu de delitu, aumentando, asina, la conderga pa quien son acusaos inxustamente por protestar énte les situaciones d’inxusticia social.

Por tou ello, a Aitor quieren imponése-y sanciones ya indemnizaciones que PODRÍEN LLEVALU A PRISIÓN si diches sanciones ya indemnizaciones superen la so capacidá económica.

Nesti sen, en llugar de reparar les situaciones d’inxusticia que se dan na nuesa sociedá, el sistema xudicial prefier castigar, inclusive cola cárcel, a quien protesten, precisamente, escontra les inxusticies sociales que se producen.

L’únicu delitu d’Aitor ye protestar contra estes inxusticies y solidarizase coles lluches sociales y los derechos de los y les trabayadores.

Por ello esiximos la so absolución y la retirada de toles acusaciones

ABSOLUCIÓN PA LA XEBTE QUE LLUCHA!!