Entamu del sitiu > Sectores > Servicios > Hostelería y turismu > Comunicáu de la CSI sobre’l conflictu de les cafeteríes del Campus de (...)

Comunicáu de la CSI sobre’l conflictu de les cafeteríes del Campus de Xixón.

Toles versiones d’esti artículu: [asturianu] [Español]

miércoles 8 de marzu de 2017, por CSI-Info

Xixón a 7 de marzu 2007

Comunicáu de la CSI sobre’l conflictu de les cafeteríes del Campus de Xixón.

Les trabayadores de les cafeteríes del Aulariu Sur y la Escuela Superior de Marina lleven más de 40 díes de fuelga pa protestar contra la situación d’acoso ya impagu de salarios, desque l’empresariu Manuel Presedo fíxose cargu de la concesión n’ochobre del pasáu añu.
En tou esti tiempu de llucha l’oxetivu foi’l caltenimientu del puestu de trabayu y de los derechos llaborales que ganaron tres años de trabayu. Pa ello pidimos dende’l principiu a la Universidá d’Uviéu, que rescindiera’l contratu con un empresariu que non yá taba perxudicando gravemente la salú y l’economía de les 9 families implicaes, sinón qu’amás taba perxudicando’l serviciu a la comunidá universitaria.
A estes altures del conflictu, escosaes pola llucha y los yá 4 meses ensin cobrar, que pueden allongar indefinidamente, y tres un resolvimientu del Conseyu Consultivu nel día d’ayeri, sofitando la rescisión del contratu con esti empresariu, pidimos a la Universidá que nun-yos dexe tiraes y que faiga respetar el conveniu colectivu qu’obliga sía que non a la subrogación del personal y al caltenimientu de los derechos llaborales adquiríos, a cualquier empresa que pueda presentase nel futuru.
Dende la CSI pidimos a la Universidá y al so Rector a lo más responsable d’ésta, una puesta solución satisfactoria pa les trabayadores en fuelga, que se vieron somorguiaes nun conflictu llaboral por culpa d’una mala concesión per parte de la Universidá.

Fernando Álvarez Suarez.
Responsable d’Acción sindical-Asturies